SDHK-nr: 6115

Nouerint vniuersi, quorum interest seu quomodolibet interesse poterit in futurum, quod nos Petrus Byornsson, curatus ecclesie Ringbohærdhe, et Olaws Byornsson, frater suus, quandam permutacionem prediorum et vendicionem fecimus cum discreto viro Olavo Joonsson, officiali et procuratore reuerendi patris domini Hemmingi, Dei gracia archiepiscopi ecclesie Vpsalensis, ad hoc speciale et sufficiens mandatum habente, prout in ipsius litteris super hoc confectis plenius continetur, in modum qui sequitur, vedelicet quod eidem Olauo ex parte et predicti reuerendi patris et nomine septem solidos terre cum dimidio in villa Superiori Benhamar, parochia Corssta in prouincia Langhundar, sitos appropriamus perpetuo posidendos cum adiacentibus prope vel remote positis nullo penitus excepto, loco quorum ipse Olauus nomine quo supra nobis quatuor solidos terre in villa Fitium, parochia Tæby, prouincia Valandhhundare, appropriauit et assingnauit heredibusque nostris, vt premissum est, nullo penitus excepto perpetuo possidendos. Pro residuis vero tribus solidis terre cum dimidio recognosscimus nos quinquaginta marchas denariorum sweuorum monete nunc currentis plenarie subleuasse, et si, quod absit, predictos septem solidos terre cum dimidio calumniari vel euinci ab ipso domino archiepiscopo contigerit, obligamus nos bona nostra omnia heredumque nostrorum presencia et futura ad restituendum eidem domino archiepiscopo predia ab ipso habita cum summa pecunie prescripta infra duorum mensium spacium ab euiccione numerandum cum omnibus dampnis, que ipsum incurrere vel pati contigerit propter euiccionem premissorum quoquo modo, et firmarios eciam wlgaliter dictos fasta eidem dedimus et nominauimus in communi placito iuxta leges patrie apud Valandahundaristhinstat, qui sequntur et sunt hii: Jacobus iudex, Nicholaus de Valandasyo exactor, Laurencius de Norum, Johannes de Ødhinslundum, Nicholaus de Thyulsakre, Mykael de Beldlistum, Olaus de Haslum, Torstanus de Tæby, Holmgerus de Myraby, Joarus de Lindø, Olaus de Synæby, Ericus de Aby, Johannes de Haghaby, Nicholaus de Haghaby, Hanundus de Nerdhene, Petrus de Andartunum, Petrus de Skulhambre, Bero de Fitium, Johannes de Halby, Johannes de Vidhum, Mathias de Myraby, Laurencius de Ekeby, Botuidus de Metalløsum, Olaus de Vidhum, Ingeuastus de Lindø. In quorum omnium euidenciam pleniorem siggilla reuerendorum dominorum Johannis Niclisson militis, magistri Alquini de Valandatunum, canonici ecclesie Vpsalensis, ad peticionem nostram vna cum nostris presentibus sunt appensa. Datum apud Valandatunathinsta anno Domini m°ccc° quinquagesimo primo sabbato proximo ante festum kathedre beati Petri appostoli.