SDHK-nr: 7594

Jn nomine sancte et indiuidue Trinitatis . Patris scilicet(a) et Filii et Spiritus sancti . amen . Nouerint vniuersi presentes litteras inspecturi . / quod nos Elena Andbyørnædoter(b) , Johannes (c ) Vddæson(d) et Gunnildis(e) . filius et nurus eiusdem Elene, plena ac integra tam mentium quam corporum gaudentes sospitate . dum tempus habemus . incertum mortis nostre aduentum . per dispositionem bonorum nobis a Deo collatorum . animabus nostris . ipso Deo annuente . profuturam, cupientes preuenire . / monasterio beate Marie(f) virginis in Nouaualle . / vbi nostras eligimus sepulturas . / omnia bona nostra . videlicet tres curias, in Wæsthorgha(g) sita . cum agris . pratis . pascuis . siluis . domibus ac aliis attinentiis suis vniuersis . quibuscumque . censeantur nominibus . et quibuscumque situentur locis . / jn remedium et salutem animarum nostrarum . ac animarum domini Haraldi decani et Magni Thorstanson(h) bone memorie necnon et animarum liberorum nostrorum . ex vnanimi consensu et mera voluntate nostrum (i ) omnium . testamentarie donationis tytulo . damus . legamus . ac tradimus per presentes . transferentes in dictum monasterium et abbatem fratresque(j) ipsius monasterii . plenum proprietatis ius ac possessionis dominium . dictas tres curias . cum omnibus suis . vt premittitur, pertinentiis . possidendi . permutandi . vendendi . ac alio quocumque(k) modo . pro sue voluntatis libitu et ipsius monasterii commodo libere ordinandi . / ablatis nobis et heredibus nostris omni facultate et legum adiutorio ac alio quocumque adinuentionis ingenio iuris vel facti . / dicta bona seu curias . siue earum pertinencias quascumque de cetero(l) reuocandi . seu in posterum aliqualiter impetendi . / In cuius donationis seu legationis testimonium ac euidenciam firmiorem sigilla nostra presentibus sunt appensa . / Datum anno Domini M° . ccc° . L . nono . jn die Natiuitatis beate Marie virginis.