SDHK-nr: 2666

Omnibus presens scriptum Cernentibus, Kanutus ioansson legifer osgotorum, salutem in domino sempiternam, Tenore presencium constare volumus omnibus euidenter, discretum virum dominum petrum de fornhusum, filio suo in christo karissimo, erico non legittimo imo absoluto duas curias suas skænningie nordan. aa, sitas, et omnia predia sua in høklinge, cum omnibus eisdem bonis attinenciis, mobilibus, et immobilibus, absque omni diminucione, prope et remote, videlicet pratis, agris, siluis, collonis, pascuis, piscariis, molendinis, et eorum locis, presentibus heredibus suis silicet fratre suo erico, necnon filio suo finuido, et aliis viris discretis, silicet magno valdemarsson, Joaro birgisson, domino olauo kanonico linchopensi, rangwaldo beruidasson, Rangwaldo ciui linchopensi, øaro lacha, gudthormo kryl, et aliis quam plurimis, in communi placito, dicto lagthyng, et postea in presencia nostra secundum leges patrie, necnon prescriptorum, testimonia, veredica, legittime contulisse, et libere assignasse, dans et reddens eidem, liberam ac plenam facultatem, in omnibus ordinandi, vendendi, distribuendi, commutandi, et quolibet modo, pro vsibus suis, iure perpetuo, absque omni calumnia, transmutando, Jn cuius rei testimonium sigillum nostrum presentibus est appensum, Datum skænningie anno domini M°CCC°XVº, in die beati mathie apostoli.