SDHK-nr: 5292

Omnibus presens scriptum cernentibus, magnus gislason miles, Salutem jn omnium saluatore, Nouerint vniuersi tam posteri, quam presentes, me Anno domini M° CCC° XL° sexto, quarta feria post dominicam medie quatragesime, **) viris fidedignis ac discretis infrascriptis, in testes seu affirmatores wlgariter dictos fasta, videlicet birghero matisson, kanuto matisson, kanuto pætersson magno birgisson, karolo birgisson, domino nicholao in monte hennichino ciui ørabroensi, anundo in hørstum, necnon et lidhiwardo holmgeersson in proloqutorem coassumptis, cum nobili domina, domina abbtissa (!) in risebiærgh,. et conuentu, bonorum fecisse concambium in hunc modum, videlicet quod eidem domine, sex solidos terre in booskulla cum octo solidis in dwærstadhum pro twæggiæ løpa bool in iærpataku et dimidio løøps bool in swepilstaku necnon et vno løpabool in vestradeghyo, do et assigno, cum omnibus et singulis attinenciis prope et remote positis, infra sepes et extra, nullis penitus exceptis, Alienans michi meisque veris heredibus dictam terram, et dicte domine aproprians perpetue possidendam, Transferens in eandem dominam plenum dominium ac proprietatis ius sepedicta predia possidendi, vendendi permutandi, dandi, vel quomodolibet ipsi commodius videtur ordinandi, Jn cuius rei testimonium sigilla discretorum virorum presentibus sunt appensa, videlicet, primo, domini Episcopi strengnensis domini kanuti folkason, liniwardi holmgeersson necnon vxoris mee birgitte, vna cum proprio, Scriptum anno domini M° CCC XL sexto die supradicto.