SDHK-nr: 2523

Omnibus presens scriptum cernentibus. Margareta relicta øiari gunna sun. Salutem in domino sempiternam. Notum facio tam posteris quam modernis, quod curiam meam giuzholth cum colonia in tangær ac ceteris pertinencijs, videlicet agris, pratis, pascuis siluis et piscarijs, claustro gudhem do et lego, possessionem tradendo corporalem scotacione legittima subsequta, tali condicione, videlicet, quod in dicto claustro ad dies meos victum habeam et vestitum, habitum portando secularem,, Jn cuius rei testimonium et euidenciam pleniorem sigilla, magnificorum principum dominorum meorum Erici et Waldemari ducum swecie illustrium, venerabilis patris domini bryniulphi scarensis Episcopi, Domini tulonis abbæ son et akæ rampn fratrum meorum dilectorum ad meam instanciam, ac meum proprium presentibus sunt appensa. Actum et datum giuzholth, anno dominj. Millesimo. Trecentesimo. Duodecimo. Jn Die beati luce Ewangeliste.