SDHK-nr: 5135

Jn Nomine patris et filii et spiritus Sancti Amen. Cum dies et hora mortis mortalibus cunctis sit incerta. et inopinatus subitusque multorum obitus salubria proposita sepe relinqui fecerat inperfecta. Hac Consideracione ductus. Ego gislo ælinæson. mente et corpore sanus et incolumis per graciam ihesu christi. Prouida deliberacione prehabita. meum in hunc modum. facio et ordino Testamentum. Jn Primis apud religiosos viros fratres Predicatores Sictonie. juxta dilectam vxorem meam. Margaretam. ac dilectum fratrem meum dominum karolum mei corporis eligo sepulturam. Quibus lego Centum marchas denariorum. monete nunc currentis Jtem quatuor marchas puri argenti pro vnius calicis opere et factura. Jnsuper omnia indumenta sacerdotalia, et ornamenta omnia pro altari. Ad fabricam ecclesie vpsalensis. lego decem marchas denariorum. Ceteris vero ecclesiis cathedralibus in regno. earum cuilibet vnam marcham puri argenti. vel quinque marchas denariorum. monete nunc currentis Jtem fratribus predicatoribus in Kalmarnia. Sex marchas denar. Ceteris vero eiusdem ordinis. Monasteriis in regno cuilibet duas marchas denar. Jtem fratribus minoribus vpsalie. decem marchas denar. Ceteris vero eiusdem ordinis monasteriis in regno. cuilibet. duas marchas denar. Jtem Monasterio in sko. Sex marchas denar. Jtem monasteriis. Juluttæ. aluastrum. wærnøm. Nydal. Rumum. Cuilibet ipsorum duas marchas denar. Jtem Monasteriis. Fodhø. Wretum. Askæby. Rysaberghum. gudhøm. et Monasterio dominarum in Wysby. Cuilibet ipsorum duas marchas denar. Jtem monasteriis sororum. skyæningie. kalmarnie. et in stocholm. Cuilibet ipsorum duas marchas denar. Jtem Monasterio in aas Hallandie. lego sex marchas denar. Jtem domui dei in kalmarnia decem marchas denar. pro emendis prediis ad eius vsum. Jtem domui dei vpsalie. Sex marchas denar. Ceteris vero domibus dei et hospitalibus. in toto regno cuilibet duas marchas denar. Jtem ecclesie viuilstadhæ in Wæstbo. Sex marchas denar. Sacerdoti ibidem tres marchas denar. Jtem ecclesie. Wændil. Sex. marchas denar. et tres ibidem sacerdoti. Jtem ecclesie Wixstadum. Sex marchas denar. et tres ibidem sacerdoti. Jtem cuilibet ecclesie. in cuius parochia curiam possideo. lego vnam marcham denar. et aliam sacerdoti. Exceptis tribus ecclesiis Superius immediate nominatis. Jtem deputo. XX:ti. marchas denar. per istius mei testamenti exequtores distribuendas inter pauperes mendicantes. Jtem do et assigno alias .XX:ti. marchas denar. pro dicendis missis post decessum meum. prout exequtoribus meis saluti anime mee videbitur expedire. Pro solucione vero premissorum. omnium. que ante obitum meum soluta non fuerint deputo et assigno. bona mea Walby. in parochia vixstadhum. tali supposita condicione. quod si dicta omnia per me legata. ab heredibus meis post obitum meum persoluta non fuerint infra annum. extunc exequtores mei. dicta bona vendendi et satisfaciendi iuxta premissa. liberam habeant facultatem. Jtem. si post obitum meum. probabili aut certa ex causa ex empcionibus bonorum siue commutacionibus prediorum. inuentum fuerit me quemquam iniuste lesisse. quoquomodo, deputo curiam meam in Bærgh Wæsgocie. cum molendinis et aliis adiacentibus, vt exequtores mei. de precio dicte curie singulis prout iustum fuerit et vnicuique debetur. soluant satisfaciant et emendent. Preterea si in futurum. me aliquid immutare contigerit. de premissis. quamquam pronunc. hoc minime propono vel intendo. volo firmiter vt omnia fratribus Predicatoribus Sictonie. Superius legata. absque omni reuocacione et retractacione integraliter persoluantur. Exequtores autem huius mei testamenti. facio. constituo. et ordino Nobiles viros et dominos. Predilectum filium meum dominum Magnum. dominum Nicholaum Abyornnæson. dominum vlphonem germanum suum. dominum laurencium karlson. Johannem cristinæson. Johannem karlson nepotem meum. Ac religiosum virum fratrem Olauum nunc Priorem Sictoniensem. Rogans eos attencius vt premissam meam voluntatem. fideliter exequi studeant prout de eis fiduciam gero specialem. Testes huius mei testamenti sunt hii. videlicet. predilecta filia mea Jngridis relicta quondam domini Thyrneri mattiusson. predilecta filia mea Katerina. frater Olauus Prior Sictoniensis. frater. gerardus. dominus hermannus Sacerdos meus et dominus Hemmingus. jn robur autem et euidenciam premissorum. Sigillum meum presentibus est appensum. Jnstanter autem Sigilla apponi peto exequtorum huius mei testamenti premissorum. Datum. et actum in curia mea Aspænæs Anno domini Millesimo CCC° XL° quinto. feria sexta ante dominicam. Letare.