SDHK-nr: 5264

Ollum monnum þæim sem þetta bref sia edr ho’yra senda nichilas peters son syslumadr j iamterlande profvast peter a rødene lafranz gunna son loghmadr j fyrsagdu lande ok olafuer hakonar son quediu guds ok sina. ydr se kunnight att a kyndilsmesse eptan a siounda are ok tyttughta rikis vars virdolegs herra Magnusar med guds nad Noregs Swyia ok skane konongs. varom mer þar hia j kirkiustofvnni a forse ok ho’yrdum .a. att var andleghar fader ok virdolighar herra. herra hemmingar med guds nad erkibiscop j vpsalum spurdi þoralld a forse huorso mykitt han atte j iordenne med honum sem a forse heitir. kendez þa þoralldr fyrnemdar þar firir oss ok marghum adrum godom monnum att vpsala kirkia a apter med honum fiordongan j fyrsagde jord bede j akre ok enge tuft ok twn hollt ok hagha ok j ollum þæim lunnendum sem till liggia ok leghett hafva fra forno ok nyiu vttan fiskina ok till santz vitnisburdar settum mer var insighli firir þetta bref er gort var j stad deighi ok are sem fyr seighir.