SDHK-nr: 2518

Jn nomine domini amen, anno domini M° C°C°C°. XII. Ego Margareta ebbædoteer sana mente quamuis debilis corpore, mihi et saluti anime mee salubriter volens preuidere, testamentum meum. sicut prius sana mente et corpore coram venerabili patre domino bryniulfo episcopo Skarensi et domino. Benedicto preposito ibidem et domino petro de hosæby et haquino bryniulfson in gudhem testificata sum. facio et lego in hunc modum. videlicet quod dominabus in gudhem pro vestibus meis et panibus. et pro mea sepultura. do curiam meam in gyusholte et coloniam in birchias. cum omnibus suis attinenciis infra sepes et extra. quam curiam et coloniam cum omnibus earundem pertinenciis sepedicto claustro in gudhem cum fidedignorum testimoniis videlicet domini thyrgeri de sexdrethum. holmstani de algarsvicæ. siggonis de locrydhi. arfins ibidem, haquini touo son. thyrilli hagbardhæson et aliorum quam plurimorum parochianorum meorum nec non et sacerdotis domine abbatisse et preuisoris domini . E. ducis ragualdi naks scotari feceram omni iure. claustro firmiter subiciens mihique et heredibus meis euidencius alienans. Siqui vero heredum meorum idem claustrum impedire super hoc seu aliquo modo molestare concederint. constituo eis partem de bonis meis in vanchø pro hiis bonis competentem. Jn cuius rei testimonium et pleniorem euidenciam sigillum meum et sigillum memorati domini thyrgheri presentibus sunt appensa. Datum anno supra dicto in die beati mathei apostoli.