SDHK-nr: 4086

Omnibus presens scriptum cernentibus Holmgerus petri prepositus lundensis Kanutus erici archidyaconus lundensis Johannes johannis cantor ibidem Totumque capitulum lundense Salutem in domino sempiternam,, Notum facimus vniuersis quod in uerbo ueritatis promittimus et specialiter nos omnes et capitulum nostrum lundense firmiter tenore presencium astringimus anniuersaria infra scripta racione bonorum Johannis Erikson in borendholm sitorum, in redditibus annuatim sexaginta marchas denariorum monete ibidem currentis valencium. que quidem bona cum omnibus et singulis pertinencijs suis mobilibus et inmobilibus ceterisque allijs(!) humidis et siccis quocumque nomine censeantur Jdem johannes erikson. nobis et capitulo nostro lundensi. pro sequentibus infra anniuersarijs in choro nostro maiori lundensi celebrandis. donauit. legauit.... assignauit et scotauit iure perpetuo possidenda. primo videlicet anniuersarium Reuerendi patris domini Karoli quondam archiepiscopi lundensis felicis recordacionis dilecti fratris dicti Johannis. jn octaua die obitus sui. Jtem anniuersarium Erici patris et domine Jngerdis dilecte matris ipsius Johannis. Petri dicti kalf et domine æthlæ parentum domine. gerthrudis dilecte vxoris Johannis prelibati. in octaua die post festum beati Jacobi apostoli. Jtem anniuersarium ipsius Johannis Erikson cum deus ipsum ex hac vita vocauerit. Jtem anniuersarium domine gerthrudis dilecte vxoris ipsius. cum deus eam ex hoc mundo uocauerit. Jtem anniuersarium domini Kanuti archidyaconi lundensis. Jtem anniuersarium domini Cristyarni prepositi Toftenensis et concanonici nostri. omni anno sollempniter tenere et in perpetuum celebrare ita quod quatuor marchas denariorum proueniencium de predictis sexaginta marchis et redditibus bonorum prelibatorum nobis scotatorum inter Canonicos. vicarios et pauperes scolares. aliosque pauperes per modum qui sequitur annuatim specialiter in quolibet anniuersario diuidantur primo Canonicis chorum in dictis anniuersarijs frequentantibus due marche denariorum Jtem vicarijs. et pauperibus scolaribus vna marcha denariorum. Jtem alijs pauperibus ostiatim mendicantibus vna marcha erogetur Jnsuper nos et capitulum nostrum lundense firmiter obligamus et in veritate promittimus dicto Johanni Ericson et domine gerthrudi dilecte vxoris ipsius. omni anno quam diu ipse Johannes et ipsa domina gerthrudis vixerint pro sepedictis bonis nobis et capitulo lundensi Scotatis, triginta marchas denariorum nouorum Scaniensium in festo assumpcionis beate virginis in ciuitate lundensi assignare. et expedite erogare dimittentes eidem Johanni Erikson et domine gerthrudi. omnia et singula bona nostra mobilia et inmobilia cum quibuscumque pertinencijs suis in øyia sita. prope villam ystath libere pro maiori commodo suo ad dies suos ordinanda. Jn cuius rei testimonium et certitudinem firmiorem. Sigillum capituli nostri lundensis presentibus duximus apponendum. Datum lundis Anno domini. Millesimo. Trecentesimo. Tricesimo quarto. die beati Remigij Episcopi et confessoris.