SDHK-nr: 7125

Jn nomine Domini amen Cum labentis seculi cuncta deficiant et defluant velut vmbra et spuma maris nichil ex caducis et pereuntibus rebus consulcius et salubrius inpenditur quam quod ad honorem largitoris omnium et salutem animarum ordinatur Jdcirco ego Ragwaldus canonicus Lyncopensis et curatus in Sæby licet corpore debilis mente tamen compos cupiens mortis diem operibus pietatis preuenire de bonis mihi a Deo collatis testamentum meum condo et ordino in hunc modum /:/ Primo lego ecclesie Lyncopensi / omnes libros meos repositos in cista quadam in sacristia Jtem reuerendo patri domino meo episcopo Lyncopensi ambulatorem meum maiorem subrufum dictum brwn Jtem nepoti meo Thoriro Erikson ambulatorem rubeum cum sella jtem maiorem equm dictum hingist . cum sella / x vasa argentea / iij coclearia / Jtem ecclesie Sæby bibliam meam in duobus voluminibus / Jtem domino Nicholao Thurison breuiarium in duobus voluminibus Jtem domino magistro Aghmundo archidiacono . ambulatorem meum nigrum . Jtem Benedicto Thurison vas argenteum . dictum silfstoph / Jtem vas argenteum maius quod habeo dictum silfbullæ lego fratribus minoribus Lincopie . qui pro anima mea singulis septimanis per annum integrum dicent j missam / Jtem domino Jngevalto jconomo fabrice Lincopensis balteum argenteum cum duabus nouaculis . et pertinenciis ad eosdem et j kylt / Jtem domino Kanuto Cappellano meo j cappam varij coloris cum capucio et foraturis pellium variarum / et librum quendam sermonum quem habeo meliorem . / Jtem domino Gudhmundo vicario meo / tabardum et capucium cum foraturis de serico et cum scripturalibus meis Jtem Hemingo filio dominj Laurencii Germundson decretales quas habet dominus Gudhmundus / Jtem domino Johanni in Lomarydh sextum cum floreno . Jtem domine Cristine in Askaby cratheram argenteam / bibliam et passionarium . cappam cum pellibus mardalinis et pellicio mardalino et redditus ix modiorum in Hakaforz ad dies suos / postea vero ad monasterium Askaby deuoluantur jtem timbriam variarum pellium et xvi vlnas de burello jtem j fibulam argenteam . et i . librum collectum de diuersis / Jtem Magno Halpænningh i . capam cum capucio et ij cussinis Jtem vxori sue i . tunicam dictam kordhumblæ cum capucio et cocleari de argento / Jtem puero meo Olawo qui mihi fideliter seruierat i . lectum cum paramentis v (que) marchas denariorum . i . equm dictum sømaræ / pugionem . gladium . et coclear de argento / Jtem prebende mee / i . lectum bene paratum . et de tota suppellectili mea / ita quod singula de singulis . scilicet . vasis . vestibus . vehiculis . curribus . et eorum . et equorum . et boum . et ferreis et ligneis instrumentis . jtem omnia que habeo mobilia et immobilia in Ragwalzthorph . / jtem pratum dictum Helghanzængh . et pratum dictum . Munkasætir . et ij cussinos de melioribus / Jtem Katerine Symons annulum aureum Jtem Kryle famulo meo iij marchas cum equo / Jtem Baggæ iij marchas denariorum . Jtem benedicto famulo meo equm in quo solitus est equitare / Jtem Sunoni Knutson famulo meo iij marchas denariorum Jtem domino Conrado amphoram stanneam cum libello / Jtem Jsaac . i . tunicam et i . fodher . de renskin et equam / Jtem vxori sue i . kordhumblæ / Jtem villice in Sæby i . kordhumblæ brunam / Jtem Gysleghe tunicam blaueam . et kordhumblæ cum variis pellibus forratam . i . vaccam iii thyniones annone . Jtem Signø albam tunicam Jtem Estridi . tunicam cum capucio blakt Jtem domino Lekoni j par . læglæ Jtem domino Kanuto in Sundum . i . florenum . Jtem domino Erico in Marbek . i . florenum Jtem singulis curatis in Vidhboo j marcham et vicariis ii oras . et singulis . pauperibus solidum . denariorum / Exequtores autem(a) huius testamenti constituo reuerendos viros dominos magistrum Aghmundum archidiaconum . Jngevaldum iconomum . et Johannem in Lomaridh supradictos . rogans eos per viscera misericordie Iesu Christi . vt exequcionem huius testamentj igitur assumant . et sic exequantur vt Deo placere et anime mee possit expedire . et eis pro fideli labore meritorum cumulus augeatur / Ad quod efficiendum . reuerendis et nobilibus viris dominis . domino meo Lyncopensi . domino Nicholao Thurisson . domino Magno Knutson . domino Johanni Knutson innitantur confidenter . qui sicut firmiter spero graciam quam prestiterunt viuentj conseruabunt mihi morientj Ad solucionem huius testamentj deputo xl(a) marchas . mihi per dominum . Petrum . in Linderaas soluendas . et quasdam alias res . de quibus . dominus Johannes in Lomarydh bene nouit . Jn premissorum euidenciam et robur firmitatis instantissime supplico / sigillis venerabilis patris dominj mei episcopi Lyncopensis . nobilium(b) et reuerendorum virorum dominorum . Nicholai Thurison . Magni Knutson . Johannis Knutson . Benedicti . Thurison . exequtorum predictorum magistri Sunonis decani . magistri Marchi . magistri Sunonis . Øztani : domini Haraldj . et Nicholai Jonson . Lyncopie canonicorum . presens testamentum communiri . vna cum sigillo meo proprio quod duxi presentibus apponendum . Datum anno Domini M°ccc°l°vij in Epy[p]hania(c) Dominj . presentibus clericis et laicis fidedignis .