SDHK-nr: 7744

Omnibus presens scriptum cernentibus Anundus Stura miles . salutem in Domino sempiternam . Cum facta hominum licet racioni consona . de memoria . faciliter elabuntur . vtile duxi . infrascripta litterarum tradere monimentis. Vnde volo vniuersis tam posteris quam modernis esse notum / me religiosis viris priori in Eskilstunæ et eius fratribus ibidem commorantibus . ex amicorum ac cognatorum consilio vnanimi et consensu bona mea predialia . scilicet Olzstadhæ . et Geetlandæ in parochia Hoofh . Wesgocie sita / cum tredecim solidis terre et dimidio / jn Skiolfh parochie Glanzhamar Nericie . cum omnibus eorundem bonorum attinenciis intra sepes et extra . prope vel remote positis . scilicet domibus . agris . pratis . pascuis . et siluis . in humidis . et siccis . nullis exceptis . qualitercumque nominatis . omni prop[ri]etatis(a) iure . contulisse inperpetuum possidenda . pro remedio anime mee et substancia corporali . cum eisdem fratribus habenda . quanto tempore vita perfruar jn humanis / Siqua predictorum bonorum pro predictis priore et fratribus jmpeti vel jmpediri contigerit . quod absit . astringo me et heredes meos per presentes eisdem priori et fratribus jn equeualentibus . satisfacere bona fide . Et quia premissorum bonorum collacio jn presencia domini mei . domini Magni regis illustrissimi acta fuit . jn horum firmius robur . sigillo suo . presentes . postulo communiri. Datum anno Domini . Mºccc°l°x(0) . sabbato Sicientes . Jtem sigilla nobilium virorum . dominorum . Æringislonis Sunæsson comitis Orchadie . Nicholai Thuræsson . Karoli Vlfsson . de Thuftom, Magni Stura . militum . et Porsonis Josepsson . et domine Margarete relicte domini Petri Lindhormsson vna cum proprio jn testimonium euidens premissorum peto(b) presentibus apponenda.