SDHK-nr: 3258

Jn nomine patris et filij et spiritus sancti amen. Quoniam mors et mortis hora mortalibus sint incerta. Hac consideracione ductus. Ego agmundus ginhuson quamuis corpore dibilis. mente tamen sanus per graciam ihesu christi. de bonis mihi a deo collatis. testamentum meum condo et ordino in hunc modum. Jn primis fratribus predicatoribus sictunie apud quos eligo sepeliri. do et confero .XX:ti. marchas denariorum. tam pro me quam pro dilecta vxore mea Jngiburghi sepeliende [d.v.s.: - da] ibidem cum dominus eam subtraxerit ex hac luce. pro quibus soluendis eisdem fratribus in pignore deputo. duas oras terre in byærghum parochia akerby et .VII. solidos terre in thigbili parochia ballinsta. ita quod pensionem. de pretacto predio annuatim prouenientem. dicti fratres sictunienses annis singulis leuent et percipiant. donec dicte .XX:ti. marche integraliter extiterunt persolute. dummodo per vxorem meam predilectam sepedicte .XX:ti. marche. non fuerint cicius expedite. ad fabricam ecclesie vpsalensis do. vnam marcham denariorum. fratribus minoribus ibidem vnam marcham den. Monasterio in sko vnam marcham den. Ecclesie ballingstadum. vnam marcham sacerdoti ibidem dimidiam marcham den. Ecclesie Jarlasum vnam marcham. sacerdoti ibidem dimidiam. Huic autem mee ordinacioni presentes fuerunt. coniux mea predilecta. ex cuius consensu. et beneplacito ista pro salute anime mee statui ac donaui. jtem presens erat. honorabilis domina. Domina mea ramburghis relicta domini fulkonis joonson. ac de familia. plures alij. domine memorate. Jn huius vero rei euidenciam. sigillum meum presentibus est appensum. Actum vinagarnæ Anno domini M°. CCC°. XXIIIIº. die beate agnetis virginis et martiris.