SDHK-nr: 10256

Universis^a Skrivet med utsmyckad anfang ms. et singulis, ad quos presentes littere deuenerint^b pervenerint Hanserecesse. , Hermannus de Osen­brugghe et Gherardus de Attendorn de Lubeke, Johannes Rughe et Nicolaus Zeghevrid de Stralessundis, Johannes Nachtraven de Rostok, Johannes Turowe de Wismer et Gherlacus de Vene de Campen, nuncii consulares ciuitatum mariti­marum, salutem et omne bonum. Con­stare volumus omnibus evidenter, quod nos pacem, treugas, inducias ac amicabiles placita­ciones inter jllustrem principem ac dominum, gloriosum dominum H[aquinum]^c H ms. regnorum Zwecie et Norwegie regem, homines suos, seruitores, auxiliatores et subditos, regnum eius Norwegie ac ceteras terras suas et dominia ex vna, necnon consules, ciues, mercatores et fa­miliares ciuitatum maritimarum, videlicet Lubeke, Stralessunde, Hamborgh, Bremen, Rostok, Wismer, Gripeswold, Stetin, Anklem, Colberge, Novestargarde et aliarum ciuitatum ipsis atti­nencium, jtem ciuitatum Liuonie, videlicet Righe, Tarbati, Reualie et Perone et aliarum cir­cumvicinarum, jnsuper ciuitatum Pruscie, videlicet Culmis, Thorun, Elbing, Danczike, Kon­ingesberg, Brunsberg et aliarum ipsis attinencium, jtem ciui­tatum de Mari australi, videlicet Campen et aliarum in diocesi Traiectensi sitarum, ciuita­tum eciam Zelandie, videlicet Sirixe, Brele, Middelborch, Arremude, ciuitatumque Hollandie, videlicet Dordraci, Amsterledamme, Enchusen, Wiringhen ac aliarum in comitatu Hollandie et Zelandie iacencium, ciuita­tum eciam Gelrie, videlicet Herderwik, Zutphanie, Elborch, Deuentir, necnon ciuitatum Staurie et Hindelop, ac omnes quoscumque comprehensos jn iure et confederacione ciuita­tum predictarum et aliarum suarum adiutricum, parte ex altera, nouissime in castro Baua­hus receptas et firmatas, prout in patulis litteris¹Se brev 1370 1/7, DS nr 8152–8153. ipsarum ciuitatum, super hoc confectis, cla­rius exprimitur, ex parte nostra et ipsarum ciuitatum ratas in omnibus et singulis^d Härefter ordet nostris överstruket ms. ipsarum condicionibus ac articulis et gratas habere volentes easdem pacem, treugas, inducias ac ami­cabiles placitaciones a die exspiracionis ipsarum ulterius ad duos annos extunc proxime sub­secuturos de commissa nobis potestate per has litteras nostras prolongamus ac tenore pre­sencium iuxta omnes et singulos ipsarum articulos, in ipsarum ciuitatum litteris contentos, statuimus inuiolabiliter duraturas; ita quod in predictis duobus annis, nunc prolongatis, sicut et in prioribus treugis, poterunt ipsi illustres principes, dominus Magnus et filius suus Haquinus predictus, reges Swecie et Norwegie, et eorum ciues, burgenses, mercatores, fami­liares et subditi predictas ciuitates et earum jurisdicciones causa mercandi uel negociandi se­cure et libere visitare, jbique bonis, mercibus ac alijs rebus suis pacifice frui, essendo pro no­bis, ciuibus et seruitoribus nostris ac pro omnibus nostri atque predictarum ciuitatum causa quicquam facere uel omittere volentibus, tam in accedendo, quam in morando ac eciam re­cedendo, tuti, tranquilli et securi, tam in ipsorum personis, quam in eorum bonis seu rebus. Debent eciam ciues, burgenses, mercatores, seruitores et subditi predictorum dominorum regum et cujuslibet eorum, stantibus predictis treugis, infra ciuitates predictas et in earum portubus et districtibus quibuscumque uti et gaudere omnibus et singulis suis iusticijs, con­suetudinibus, libertatibus et priuilegijs, quibus ibi unquam liberius utebantur. Et preterea per predictos dominos reges et nos taliter placitatum, quod illi de Rostok et Wismaria non debeant ipsis dominis regibus, hominibus eorum, regno, terris suis et auxiliatoribus ullum per se aut per suos conciues, vel quoscumque familiares eorum in tempore predictarum treugarum inferre noxium vel grauamen. Nec debeant medio tempore dominis suis ducibus Magnopolensibus aliquid contra dictos dominos reges et eorum regna impendere auxilium in hominibus vel nauibus vel alijs rebus quibuscumque. Sed si forte dominj eorum in dictis ciuitatibus Rostok et Wismer et earum portubus aliquos homines aut naues pro prompta sua pecunia conducerent seu sibi victualia conpararent, huiusmodi homines, naues vel victualia educendo, per hoc predicte treuge infici non deberent. Eciam si contingeret dictos dominos reges aut alterum eorum cum potencia terras dictorum ducum Magnopolensium hostiliter in­vadere, tunc ipsi Rostoccenses et Wismarienses possent dictos dominos suos juuare infra ciui­tates et portus suos ac terras, que ad ducatum spectant Magnopolensem, per quod eciam pre­dicte treuge non debeant uiolari. Ceterum placitatum est, quod quelibet predictarum ciui­tatum, que decreuerit pretactis treugis nunc prolongatis interesse, debeat suas proprias litteras dictis dominis regibus super hijs transmittere in Osloiam infra hinc et instans festum natiuitatis sancti Johannis baptiste ultra ad annum vnum continuum proxime venturum. Pro quibus quidem litteris ipsis ita inde transmittendis nos et quemlibet nostrum pro supradictis ciuitatibus obligamus litteras ^e‑ , per presentes^‑e. ^f‑ Hopskrivet ms. Que quidem^‑f littere nostre, postquam hui­usmodi littere ciuitatum ipsis dominis regibus uel eorum alteri sic presentate fuerint, omni carebunt robore et vigore, debebuntque presentatori litterarum ciuitatum porrigi et assigna­ri. Cautum eciam est, quod vna ciuitas poterit pro alia fidejubere et sigillare super dictis treu­gis, de hoc enim ipsi domini reges reddebant se contentos. Premissas igitur treugas vna cum omnibus et singulis articulis et condicionibus supradictis ex parte prenominatarum ciuita­tum absque omni dolo et fraude promittimus eisdem dominis regibus, hominibus, regno et terris eorum bona fide firmiter et inuiolabiliter observari, vnde in premissorum euidens tes­timonium sigilla nostra duximus presentibus apponenda. Actum et datum in castro Thuns­berghe anno Domini M° ccc° lxxsecundo, ipso die beati Jeronimi confessoris^g confessoris et martiris Hanserecesse., videlicet in crastino sancti Michahelis.