SDHK-nr: 6383

Omnibus præsens scriptum cernentibus Magnus Holmgersson, canonicus Arosiensis, æternam in Domino salutem. Noverint vniuersi me dilecto mihi in Christo viro discreto Nicholao Bendictsson curiam meam in Byrsshult parochia Limandahult cum coloniis eorumque adiacentiis quibuscunque, prope positis vel remote, sub titulo locationis in octo annorum termino assignasse, conditione tali quod mihi tres marchas denariorum vsualium in quolibet anno reddere obligatur, et sibi (C: si sibi?) aliquam emendam domorum in eisdem bonis desolatarum fecerit, sibi vel suis hæredibus in tanto ædifificio (C: ædificio) et emenda domorum satisfaciam honestorum virorum consanguiniorum et amicorum consilio et consensu; de cetero quod ipse prædicta bona cum suis adiacentiis quomodolibet nominatis habeat infra octo annos continuos ex parte mea vel hæredum meorum irrevocabiliter ordinanda, et modo consimili dictus Nicolaus et hæredes sui mihi hæredibusque meis satisfacere debeant in præmissis. Scriptum anno Domini mcccl secundo feria sexta in hebdomada pentecostes sub sigillo discreti viri Johannis Brudzson vna eum proprio in evidentiam firmiorem etc.