SDHK-nr: 3476

Vniuersis &c. E. &c. Salutem &c. Nouerint vniuersi, quod anno domini M°. CCC°. XXVII. die sanctorum martyrum Viti et Modesti, konongældis in Norvegia, inter illustrem principem dominum Kanutum, dei gracia ducem Hallandie et Samsøy, ex una parte, et nos homines regni Norvegie, ex altera, presentibus Consiliariis pocioribus vtrorumque, taliter extitit placitatum, quod omnes discordie, controversie, dissensiones et ganse [d.v.s.o:cause?] quecunque inter ipsum dominum ducem et homines regni Norvegie, super quacunque causa huc vsque mote et emerse, finaliter terminate in posterum esse debeant amicabiliter et sopite, ita quod quilibet nostrum alterum mutuo sincero animo et beniuolo fouere in suis partibus et vbicunque locorum promouere benigne teneatur; nec aliquis nostrum habeat alteri super dictis controuersiis quodcunque inuertere de cetero vel imputare; Jn cuius rei testimonium sigilla nostra vna cum sigillis dominorum Pauli Eiriksson, Haquini Ogmundarson, Jvari Oghmundarson: Amundi Borgarsson: Johannis Borgharsson: militum: Stigoti, Thorgoti Hælghasoner, Ola Hælghason: Endridi Lang, Haraldi Thorvardzson: et Asbirni Thorvardzson: Armigerorum, presentibus sunt appensa. Datum &c.