SDHK-nr: 4242

Omnibus presens scriptum cernentibus, birgerus jonsson salutem in domino sempiternam, Nouerint vniuersi dilectum fratrem meum johannem mørskæ et me inter nos bona nostra patrimonialia et matrimonialia diuisisse et ordinasse irrefragabiliter in hunc modum, vt marik in ydhre et parochia aasby situm et æbbæthorp osgocie cum particula vnius silue in thornby que de possessione olaui monosson est adepta et vnus dimidius octonarius in thornby cum omnibus adiacenciis predictorum bonorum infra sepes et extra siccis et aridis pratis paschuis, siluis, piscariis prope vel remote sitis ipsi dilecto fratri meo johanni et suis heredibus tam in uita dilecte matris nostre Jngeburgis quam post, cedant iure hereditario in perpetuum possidenda, Tali condicione prehabita vt ego birgerus vel aliquis heredum meorum coram fratre meo. johanne vel suis heredibus actoritatem non habeat aliqualiter impetendi, Jn cuius rei testimonium sigilla discretorum virorum laurencii germundæsson et fratris eius liquidhi vna cum sigillo meo presentibus sunt appensa, Scriptum marik anno domini, M°, C°C°C°, X°X°X°, VI°, feria tercia pasche.