SDHK-nr: 3327

Omnibus presentes litteras visuris vel audituris, wluildis rangualz dotter, salutem in domino sempiternam, Qvoniam status hominum motu multiplici varietur, et labilis sit humane mentis memoria, saniori consilio ac stabiliori cautela prouidendum est, vt ea que sollempniter geruntur, viuaci litterarum memorie commendentur, Vnde nouerint vniuersi tam presentes quam posteri, quod ego wluildis, cum venenerabili Domina. Domina Rangfridi abbatissa in rysebærgh et conuentu ibidem, vbi sollempne votum feceram et perhennem elegeram mansionem, Consilio et assensu dilectorum germanorum meorum. Magni. et haquini. rangualzsson, tale pactum feceram et perpetuam stabilitatem, videlicet vt curiam meam Duærghxthorp cum omnibus adiacencijs, videlicet agris. pratis. pascuis. siluis. piscarijs. molendinis. necnon colonijs omnibus predicte curie adiacentibus, irreuocabiliter condo et confero monasterio memorato, renuncians omnibus iuribus et vijs per que et quas hec mea donacio. de me vel heredibus meis, possit diminui vel aliqualiter impediri, Jstis adiectis condicionibus, quod ego wluildis cum duobus pueris meis et vna pedissequa, quamdiu vixero, de claustro sepedicto, expensas annuatim subleuare debeam, provt in patenta [d.v.s.: - te] littera predictarum Dominarum continetur, jn cuius donacionis euidenciam pleniorem sigillum meum proprium vna cum sigillis dictorum germanorum meorum presentibus sunt appensa, Datum et actum Anno domini .M°. CCC°. XXVº. Jn dominica palmarum.