SDHK-nr: 11386

Uniuersis presentes litteras visuris, lecturis seu audituris ‧ Birgerus permissione diuina archiepiscopus Vpsalensis ‧ salutem in omnium Saluatore / Tenorepresencium constare volumus euidenter ‧ quod cum filius dilectus dominus Nicolaus Johannis prebendatus nostre Vpsalensis ecclesie ‧ de sua ‧ suorumque salute animarum sollicitus ‧ bona quedam predialia ‧ justo per eum titulo conquisita ‧ sita videlicet in villa Altunum ‧ parrochia Byria ‧ xi ‧ oras terre ‧ vno solido minus ‧ et in villa Kumblum parrochia Ballinxta ‧ v ‧ oras ‧ cum ‧ x ‧ denari­is terre ‧ eidem nostre Vpsalensi ecclesie ‧ viue vocis oraculo ‧ donauerit ‧ et donata in pro­uinciali placito secundum legis terre consuetudinem ‧ yconomo ecclesie tradiderit ‧ cum omni juris plenitudine perpetuo possidenda ‧ cum supplicacione deuota instantissime postulauit, vt pro animabus honorabilis viri domini Johannis ‧ olim de Forsum prepositi ‧ et Mathie Johan­nis ‧ laici bone memorie ‧ necnon pro animabus dominorum Nicolai Johannis prefati ‧ ac Olaui Johannis ‧ fratris sui ‧ post eorum mortem ‧ vnum anniuersarium ‧ die videlicet ‧ vjº ‧ jdus Februarii ‧ jtem pro anima Ragnildis Guthsormsdotter matris eorum ‧ cum exuta cor­pore fuerit ‧ tantum in choro ‧ die videlicet ‧ nonis Maij ‧ annis singulis exnunc in perpetuum teneri et celebrari possint / ecclesia oblaciones ‧ et alia ad hoc necessaria ministrante ‧ Nos igitur pie peticioni sue merito fauentes / de consensu capituli nostri ‧ dictam ordinacionem ‧ quoad^a Särskrivet quo ad. omnes suos articulos approbamus ‧ et auctoritate ordinaria ‧ tenorepresencium con­firmamus ‧ mandantes, vt huiusmodi anniuersarium et tantum ‧ in locis supranotatis kalenda­rii / inserantur / Jn cuius nostre confirmacionis ‧ euidenciam ‧ sigillum nostrum ‧ vna cum sigillo capituli nostri ‧ presentibus duximus apponendum ‧ Actum et datum apud manerium nostrum Arnø ‧‧ anno Domini Millesimo ‧ cccº ‧ lxxºixº ‧ secunda die mensis Januarij ‧‧