SDHK-nr: 5623

Omnibus presentes litteras [insp]ecturis Margareta Thurissdoter salutem in Domino sempiternam. Tenore presencium recognosco me religiosis in Deo dominabus Inge Byrgersdoter abbatisse et conuentui in Montis beate virginis monasterio in viginti quatuor marchis denariorum monete nunc currentis teneri et veraciter fore obligatam et in octaua assumpcionis beate Marie nunc proxima ventura absque dilacione qualibet vtique per me siue heredes meos pro quibusdam bonis in Thorsyo, parochia Thoraas Wæxionensis dyocesis sitis cum singulis eorundem pertinenciis, prope vel remote positis, nullis penitus exemptis, pro earundem libito voluntatis persoluendis, si vero resolucio prediorum predictorum, videlicet quadraginta marche denariorum monete vsualis per heredes nobilis matrone Ramfridis Thurisdoter infra hinc et terminum solucionis pretactum ex juribus legum patrie apparuerit, vt exigit tenor regis, extunc promitto me siue heredes meos prenotatas quadraginta marchas denariorum in termino preexpresso sine omni impedimento quomodolibet veraciter persoluendas dominabus memoratis seu eciam litteram domini regis per me habentem antedictis dominabus fide media promitto assignandam. In cuius rei testimonium firmiorem sigillum meum presentibus est appensum. Datum monasterio prenotato anno Domini m°ccc°xl° octauo feria sexta proxima post ascensionem Domini.