SDHK-nr: 6622

Nouerint vniuersi, quorum interest seu interesse contingat presens scriptum, nos Nicholaum Pætarson, terre Jæmptaland aduocatum, et Farthiegn de Helsingia, amicicia et sedacione rixe inter nos hucusque mote iterata et fauorabiliter nunc facta, in nobiles viros dominos Nicholaum Abiornason, Magnum Gislæson, Gregorium Styrbernason milites et Thorstanum Styrberni, aduocatum Stocholmie, super estimacione et ordinacione satisfaccionis et emende minus deliquenti faciende vnanimiter consensisse, promittentes per presentes firmiter et districte, quod in curia Erby domini Magni Gislason predicti festo circumcisionis Domini proximo affuturo comparere debeamus, vbi tunc statuendum sit, quorsum et quando predictis viris nobilibus occursuri veniamus, opposituri responsurique super premissis, vt conuenit et condecet, verbis gratis. Gratum igitur et ratum nos habituros per presentes fide Christiana compromittimus quicquid predicti nobiles inter nos fecerint in premissis, sed fide et honore saluis, sinistra quauis interieccione omnimode postposita et penitus circumscripta, ammodo ornari volumus et hucusque. In cuius testimonium sigilla nostra presentibus sunt appensa. Scriptum Stocholmis anno Domini m°cc°cl tercio vigilia beati Mathei apostoli et ewangeliste.