SDHK-nr: 8577

HAkon medh gudz nad Noregs ok Suia konunger Sender allum theim sem byggia ok bo i iemptalande Them sem thetta breff sia eller høyra quedia gudz ok sina [.] wer vilium ath ther vithir ath medh radhe ok samtykth varra godra manna tha haffwm wer thessa skipan ok nader medh idher gorth [,] Ath ther skulur hædan aff / aff wara vegna boa ok wæra vidher foorn ok gamul Noren lag / sva ath ingin vara Syslomanna lagmanna ne vmbodismanna ne (a-) hwar thil annarss(-a) aff almuganum skal thil annars thala vthan noren logh / [.] geffwm veer idher ok medh tesso waro breffue sakar godha manna bønestadh quittha ok lidugha fyri neffdhum allum ok ledangerss ferdum [,] nema twi ath einss ath weer kunnom terss vidher ath tyrffua ath weer lathum wtbiodha varn almogha j norege tha skulu ther oss logliga lidskildo veytha sem han ok honum følgia thingat sem warom godum mannom ok idher synisth ath landeno(b) badhum ok rikeno j noreghe see nytsamblegth ok wuinom varom thil skada ok mothestadu [.] fframdelis geffwm veer idher quitta ok lidhuga firi neffdh tha ok leydangersferdh sem magnus gregorisson haffde neffnt idher ok swa fyri alla tha saak sem ther fyri i kunnen ath komma [,] ath ther seer allo therss viliugare ath wæria idharth egith landh fyri wara ok idra vuina agango [.] forbiodom weer hardeliga vndher vara nadh ok hyllo Syslomannum lagmannum allum handgegnum mannnum varum ok allum vmbodzmannum idher ath hindra kuælia ne vreth nokon gera mothe thesso varo breffue ok goduilia [,] Nema hver sem thet gera vili setta vaare sanre oblidho ok a offwan ther vaan egha ath veer skulum swa latha effter sia ath adhrum skal thil vidersion verdha [.] Thetta breff var gorth i oslo a torsdagin nesth effter bartolomei messo dag a tiundh aare rikiss waars Noregss ok insiglat oss sielffwum hiawarandhum