SDHK-nr: 8399

Omnibus presens scriptum cernentibus Haquinus Dei gracia rex Swecie et Norwegie salutem in Domino sempiternam Noueritis quod nos reuerendas et religiosas dominas abbatissam et conuentum jn claustro Wreta cum omnibus bonis suis mobilibus et jnmobilibus ac familiis jn eisdem commorantibus sub nostras pacem et protectionem suscipimus specialiter defendendas . dimittentes ipsarum familias(a) ab omnibus oneribus et seruiciis quibuscumque nisi generaliter(b) monasteria et ecclesie nobis subsidia jmpenderint liberas et exemptas . Vnde per graciam nostram firmiter prohibemus nequis prefectorum nostrorum vel officialium seu quiuis alter cuiuscumque condicionis aut status existat audeat memoratas dominas jn bonis eorum vel familiis premissis contra tenorempresencium quomodolibet jmpetere vel turbare prout Jndignacionem nostram et regiam vitare voluerit vlcionem Datum aput ecclesiam Wi anno Dominj M°ccclxtercio die omnium sanctorum sub secreto nostro .