SDHK-nr: 8086

Omnibus presens scriptum cernentibus . Haquinus dei gracia rex Swecie et Norwegie . salutem in domino sempiternam Noueritis quod nos honorabilem virum dominum Gudmundum Nicolai . prebendatum ecclesie Arosiensis cum omnibus et singulis bonis suis mobilibus et inmobilibus ac familiis . jn eisdem commorantibus sub nostras pacem et proteccionem suscipimus specialiter . defendendum / Dimittentes sibi sex oras cum dimidia . terre . quas ab honesta matrona Margareta jn Brunnum / prout in suis litteris patentibus . quibus hee nostre littere sunt affixe exprimitur dinoscitur / habuisse / ab omnibus censibus exhibicionibus et tributis ceterisque solucionum grauaminibus nobis et juri nostro regio debitis / ordinariis et extraordinariis talliis videlicet et imposicionibus quibuscumque / eciam si generale subsidium de toto regno requiri contingat / liberas pariter et exemptas / Vnde per graciam nostram districcius prohibemus nequis prefectorum nostrorum vel officialium seu quiuis alter cuiuscumque condicionis aut status existat / eundem dominum Gudmundum jn bonis suis vel famulis premissis contra tenorem presencium audeat quomodolibet impetere vel turbare . prout graciam nostram dilexerit inoffensam . Datum Arosie anno dominj M°ccc°lx secundo . jn crastino beati Mathie apostoli