SDHK-nr: 4932

Vniuersis presentes litteras inspecturis Petrus Lundensis et Hemmingus Vpsalensis diuina miseracione ecclesiarum Archiepiscopi(1), Petrus Lincopensis, Siggo Scharensis. Frenderus Strengenensis, Odgyslus(2) Arosiensis, Hemmingus(3) Aboensis, et Boecius Vexionensis, ecclesiarum eadem miseracione Episcopi, Joannes Monasterii Sanctorum omnium(4) Lundis(5), Ragualdus(6) in Aluastro, Sueno in Herigado,(7) Gunnarus(8) de Warnom,(9) Andreas de Guthöm(10) [d.v.s.: Öuith], Folcho de noua valle(11), Michael de Biecchaskog,(12) Hinricus de Saba,- - -(13)de Thummatorp(14) et Andreas de Asylo Abbates, Petrus Dalbiensis, et Vodefridus(15)[d.v.s.:Gode-] de Eskilstunum(16) Priores, Necnon Capitula Ecclesiarum Cathedralium, et Conuentus Monasteriorum predictorum, Salutem in domino sempiternam, Cum Regnum Swecie et terra Skanie, ita legaliter et indissolubiliter vnita sint et coniuncta, quod vnum de cetero regnum censeri debent perpetuis temporibus, ac vnius regis presidio gubernari, sicut patentes littere et manifesta instrumenta super hoc edita lucidius edocent et declarant, Nos vnionem memoratam prompto et beniuolo amplexantes affectu, firmiter promittimus, quod magnifico principi domino nostro Carissimo Domino Magno Regi(17) Suecie, Noruegie et(18) scanie illustri, suisque successoribus et heredibus, pro dicto Regno Suecie et Scanie, in vnione prefata retinendo, Necnon pro eodem cum suis iuribus et iusticia contra omnem hominem defendendo astabimus fideliter verbis, factis, consiliis et auxiliis, quantum possumus, iure ecclesie, ordine et officio nostro saluis, Habituri deinceps limites dicti Regni Suecie, qui ante citra scaniam tenebantur, in ipso passagio Örasundh,(19) Eosdemque(20) vsque illuc vna cum aliis confiniis et limitibus eiusdem Regni Suecie et scanie, vbicunque illud hostiliter inuadi contingat, cum omni fidelitate et toto posse nostro, viriliter et vnanimiter cum dei adiutorio defensuri, Ceterum reuoluentes sedulo in intimis cordis nostri, quam plena sit periculis et onusta dispendiis intestina dissensio, ea potissimum, que solet multociens(21) ex vacillacione regiminis prouenire, et tantis malis, quantum deus promisit, [d.v.s.: permiserit, prospicere] contra [d.v.s.: circa] regni regnum(22) [d.v.s.: regimen] cupientes, firmiter promittimus, quod inclitum Domicellum, Domicellum(23) Ericum filium dicti domini nostri regis seniorem, iuxta consilum et voluntatem eiusdem domini nostri, in Regem et dominum nostrum super dictum(24) regnum Suecie et Scanie, terras prouincias et insulas tributarias, ad idem regnum pertinentes, omni quo decet honore secundum debitam formam et consuetudinem ab antiquo iure in regno Suecie approbatam in loco pro electione Regis deputatam(25) [d.v.s.: deputato], vnanimiter et concorditer eligemus, Obligantes nos et nostrum quemlibet extunc ad seruiendum(26) sibi cum omni obediencia, fidelitate, seruiciis, homagiis et fauore, prout ex debito veri subditi tenentur domino suo facere et vero regi, Saluo per omnia eidem Domino nostro regi Magno patri eius(27) iure regendi vt prius, precipiendi, ordinandi et(28) statuendi toto tempore suo, quo superstes fuerit, circa(29) nos subditos suos, et regni res ac negocia, que pro commodo et vtilitate ipsius regni viderit(30) expedire, Jtem promittimus firmiter vt prius, quod si prefatum dominum nostrum Regem Magnum, quod deus auertat, nobis viuentibus migrare contigerit ab hac luce, Jnclite domine nostre Regine Domine Blance(31), et dicto domino nostro Regi Erico, ad honorem et seruicium in(32) omnibus fideliter(33) [d.v.s.: fideles] erimus, eisque in suis iuribus(34) in Suecia et Scania fideliter astabimus iuxta posse, Et si idem Ericus Rex noster, prolunc*) minor annis fuerit, sibi et regno suo Suecie et Scanie, iuxta consilium, consensum et ordinacionem nobiliorum eiusdem regni Suecie et Scanie, tutor indigena(35) deputetur, et castra omnia et regni municiones, cum eorundem consilio et prouisione per indigenas gubernentur,(36) Donec eum ad legittimam etatem deus dederit peruenire, Si vero dictum dominum nostrum Ericum(37) sine liberis exstantibus(38) decedere contingat, tunc alium de filiis domini nostri regis predicti Magni superuiuentibus, qui conueniencior et apcior habeatur, in regem et dominum nostrum super antedictum regnum Suecie et Scanie, terrasque prouincias et insulas memoratas,(39) et(40) nullum alium rite et racionabiliter, vt conuenit, eligemus, Jtem si ipso domino nostro rege Erico(41) supradicto superstite vel eius liberis astantibus(42) [d.v.s.: exstantibus] contingat dominum Haquinum, fratrem eius quem idem pater ipsorum dominus noster Rex Magnus regno suo(43) Noruegie, preficiendum(44) duxerit(45) [d.v.s.:duxerat], principatum seu(46) Regnum [d.v.s.: regimen] regni(47) Suecie et Scanie contra istud patris(48) sui et nostrum factum,(49) velle vsurpare, tunc eidem Domicello(50) Haquino totis viribus resistemus, Quod eciam proceres et Domini in regno Noruegie promiserant,(51) quod eidem Domicello Haquino in nullo penitus consilium, auxilium vel fauorem ministrabunt, quorum(52) [d.v.s.: quocunque] pretextu contra hanc constitucionem veniat vel contrauenire attentat(53) [d.v.s.:attentet] in futurum, [Similiter] si(54) contingat dominum nostrum Regem Ericum supradictum ad Regnum Noruegie velle se intrudere, Domicello Haquino et eius liberis exstantibus(55) pari modo promittimus, quod(56) in hoc facto ipsi domino nostro regi Erico memorato, nullatenus coadiutores erimus aut fautores, Et si contingat(57) quod vterque dictorum fratrum vel eorum alter contra premissa patris(58) eorundem, et(59) nostra facta(60) venire *) voluerit, et alienigenarum seu extraneorum ad hoc auxilium adduxerit, et per hoc regnorum predictorum aliquod hostiliter inuadere(61) seu subintrare attentauerit, Extunc Regnum vtrumque scilicet Noruegia, Suecia et Schania,(62) vnanimiter et insimul totis(63) viribus et posse, huic eorum voluntati resistere efficaciter(64) laborabit, quodcunque regnorum predictorum prius vel pluries circa(65) talia fuerit necessitatum, ad hoc finaliter et intente, vt eorum paterna tam(66) prouida pacis simul et concordie preordinacio in suis viribus et pleno robore irrefragabiliter perseueret, Et si memoratum dominum nostrum regem Magnum plures contingat habere liberos(67) protunc promittimus vt superius, quod ipsorum quemlibet vtriusque sexus in suo iure et honore juuabimus, prout ipsis et eorum statui, Condicioni, simul et sexui congruit,(68) et competit, secundum leges et statuta Regnorum predictorum, tam Suecie et Scanie quam Noruegie, et iuxta consuetudines in iisdem regnis approbatas, Verum si quis cuiuscunque condicionis aut status contra premissa, vel eorum aliquod(69) in parte vel in toto se opponere, aut ea adnihilare vel infringere, quomodolibet nostris temporibus attentauerit, promittimus firmiter sicut supra,(70) quod eidem, quo minus id efficiat, totis viribus et posse nostro viriliter et vnanimiter resistemus, consiliis et auxiliis quantum possumus, iure Ecclesie, ordine(71) et officio nostro saluis, Quamuis autem(72) libera et spontanea voluntate ac affectanti animo, huiusmodi negocium, pro bono pacis fecisse dinoscimur, Per(73) hoc tamen iuribus et consuetudinibus in regno Suecie et Scanie ab antiquo tempore de regum electione(74) obseruatis, in nullo penitus volumus(75) derogari, quin ad nos et successores nostros, regum electio cum iuribus suis omnibus, post mortem dicti Domini nostri Regis Erici vel alterius Domini nostri, Domini Magni(76) filii, quem ipso domino nostro Erico Rege predicto,(77) sine liberis quod absit mortuo, in regem vt prefertur,(78) eligemus, libere reuertatur, Vt autem premissa omnia, et eorum quodlibet maioris habeant(79) roboris firmitatem,(80) Sigilla nostra presentibus duximus apponenda, Datum Warbiergis Anno &c. 1343(81) in Octaua beati Martini episcopi et confessoris.(82)