SDHK-nr: 2923

Omnibus presens scriptum cernentibus Cristærnus nokæ. phillippus thoræsson. Jcop (!) jonisson. vffo andersson. petrus jonisson. kanutus sacrison, eskillus sacrisson.petrus laurencii et brotherus laax. salutem in domino Nouerint vniuersi nos sub anno domini M CCC XIX fferia tercia proxima ante diem beate walburgis in placito withlændzherit. presentes fuisse. audiuisse et vidisse. quod esbernus swensson. viro discreto. domino andree. sacerdoti de rænge. ex parte laurencii jonisson. curiam principalem in gyorthelykke. cum omnibus suis attinenciis * et cum omnibus curiis et fundis in ywætoffte. quos vel quas frater vxoris sue Johannes baath. bone memorie. ibi vmquam post patrem suum jure hereditario habuit nullis exceptis. Et cum omnibus bonis que esbernus cum vxore sua ibidem habuit. pro centum marcis denariorum nouorum scanensium per modum forwæthie. inpignerauit Tali condicione quod si summa dicte pecunie infra festum assumpcionis beate virginis proximo subsequens. jntegraliter non fuerit persoluta. tunc ipsa curia. cum omnibus curiis et fundis predictis ac ipsorum pertinenciis. ipsi laurencio cedere debeant jure perpetuo possidenda: nec vmquam inposterum reuocanda Jtem idem esbernus obligauit se et heredes suos nullo tunc contradicente. eidem laurencio et heredibus suis. predicta bona omnia cum singulis suis pertinenciis humidis et siccis. nullis exceptis appropriare ab impeticione quorumcunque. Quod omnibus quorum interest presentibus protestamur Jn cuius protestacionis testimonium sigilla nostra presentibus duximus apponenda Datum anno die et loco supradictis.