SDHK-nr: 7799

Omnibus presens scriptum cernentibus . Haquinus Snodda . salutem jn omnium saluatore / Cum juxta sacre scripture testimonium / varii et inexcogitabiles sunt humane fragilitatis euentus(a) / nec scire quisquam poterit / nisi jnspiratus diuinitus // quando / aut quo fine / diem claudat extremum / jgitur . ego sanus corpore et incolumis tenorepresencium constare volo omnibus euidenter, quorum interest vel interesse poterit . omnia bona mea in Toptrydh(b) . situata / cum omnibus e[o]rundem(c) pertinencijs / mobilibus et immobilibus / intra sepes et extra / prope et remote / videlicet / agris / pratis / pascuis / piscacionibus / siluis / nemoribus / in sicco et madido . vel quibuscumque censentur(d) nominibus / in remedium anime mee / consortis mee / et liberorum nostrorum / domino abbatj et conuentui monasterij Noueuallis . do / et confero cum consensu vxoris mee ac progenitorum meorum / omnium legum plenitudine / perpetuo et ireuocabiliter . possidenda . transferens a me (e-) et heredibus meis(-e) / omne jus et possessionis dominium in (f-) prefatum monasterium(-f) . dicta bona possidendi / permutandi / alienandj / seu quomodolibet pro eorum libitu ordinandj . Jn omnium autem(8) premissorum robur / et euidenciam firmiorem . siggilla virorum discretorum . videlicet Benedictj Brodson (h ) prolocutoris in Østbo(i) . dominj Thordonis(j) prepositj ibidem et dominj Petrj . curatj in Frøale . presentibus duxi apponenda . Datum anno Dominj M°ccclx° quarta feria jnfra octauam apostolorum Petrj et Paulj .