SDHK-nr: 8118

Omnibus presens scriptum cernentibus . Haquinus dei gracia rex Swecie et Norwegie . salutem jn domino sempiternam . Noueritis quod nos exhibitorem presencium Jngewaldum de Laghathorp . officialem bonorum . religiosarum dominarum sanctimonialium Skeningie . cum omnibus bonis suis mobilibus et inmobilibus ac familiis jn eisdem bonis commorantibus sub nostras pacem et proteccionem(a) suscipimus specialiter . defendendum . Dimittentes sibi bona sua premissa . ab omnibus censibus exhibicionibus et tributis ceterisque solucionum grauaminibus nobis aut juri nostro regio debitis ordinariis et extraordinariis talliis videlicet et imposicionibus quibuscumque eciam si generale subsidium de toto regno requiri contingat / quamdiu prouisionem bonorum earundem dominarum sanctimonialium . remitteret / libera pariter et exempta . Vnde sub obtentu gracie nostre firmiter prohibemus / nequis prefectorum nostrorum vel officialium seu quiuis alter cuiuscumque condicionis aut status existat / eundem Jngewaldum . jn bonis vel familiis suis premissis contra tenorempresencium quomodolibet impediat vel molestet . Datum Skæningie anno dominj Millesimo CCC°lx°secundo / jn crastino beati Johannis ante portam latinam