SDHK-nr: 10568

Vniuersis presentes litteras visuris seu audituris Ramburgis Knutzdotter relicta Thuconis Pætersson salutem in Domino sempiternam. Constare cupio vniuersis tam posteris quam modernis, quod ego salubri mentis mee premeditacione sana et incolumis corpore constituta attendens, quod que in hoc mundo sunt vanitatj subiacent et ad suam tendunt originem^a  ori ginem utan avstavningstecken vid radskifte ms. naturaliter vniuersa ‧ nisi ea, que in pietatis opera misericorditer erogantur ‧ quamobrem ex consensu vnanimi et mera voluntate meorum consanguineorum omnia et singula predia mea in Moslef in parrochia Wærnæmo, que jure hereditario post mortem matris mee felicis memorie aquisiui ‧ cum omnibus suis adiacenciis ‧ videlicet domibus ‧ fundis ‧ agris ‧ pratis ‧ pascuis ‧ piscariis ‧ siluis ‧ humidis et siccis ‧ jnfra sepes et extra ‧ prope vel remote ‧ nullis penitus exceptis ‧ vna cum curia mea in Cullæthorp ‧ in parrochia Ødhøsẏo ‧ et curia mea in Tunum ‧ nec ‧ non molendino meo prope Wadhbẏ ‧ cum omnibus eorundem bonorum adiacenciis, vt premittitur ‧ monasterio et conuentui beate Marie virginis in Aluastro ordinis sancti Bernardi Lẏncopensis dẏocesis confero jure perpetuo possidenda ‧ vbi meam eciam eligo sepulturam ‧ transferens in eosdem dominum abbatem et conuentum ‧ et eorum successores plenum proprietatis jus ‧ et possessionis dominium dicta bona cum omnibus suis adiacenciis vendendi ‧ alienandi ‧ commutandi ‧ et pro suis vsibus quomodolibet ordinandi / hac tamen prehabita condicione ‧ quod in parte aquilonari ab ecclesia dicti cenobii habeam curiam, in qua quondam residebat domina Bẏrgheta pie recordacionis, ad dies meos ‧ cum vna tantum ancilla ‧ et eciam liberum aditum habeam in dictam ecclesiam introeundi, quociens necesse fuerit, sine reclamacione cuiuscumque ‧ hoc insuper adiecto ‧ quod ‧ dominus abbas, qui nunc est vel esse poterit in futurum, et conuentus tenentur michi in vna prebenda sacerdotali, videlicet expensis et potu, quamdiu vixero, preuidere^b  preui dere utan avstavningstecken vid radskifte ms. ‧ Jn cuius rei testimonium et cautelam firmiorem sigilla virorum nobilium Nicholai Magnusson ‧ Karoli Thẏælfwæsson ‧ Petri Knoppæ ‧ Johannis Abẏornsson ‧ Nicholai Eriksson et Aruidi Haqunsson armigerorum ‧ domini Petri prepositj Skænẏngensis et curatj in Ørabyærgh ‧ domini Attonis prepositj in Østbo et curatj in Wærnæmo ‧ et domini Petri Andersson curatj in Hoff vna cum proprio meo sigillo presentibus sunt appensa. Datum anno Domini Mºcccºlxxº quarto, jn die beati Olaui regis et martiris gloriosi.