SDHK-nr: 5347

Omnibus presens scriptum cernentibus. Petrus dei gracia lundensis archiepiscopus suecie primas Salutem in domino sempiternam. Noueritis. quod sub anno domini M CCC XL VI. Jn octaua assumpcionis beate marie virginis, constituti coram nobis personaliter lundis. Vir venerabilis dominus johannes johannis dictus franz. cantor ecclesie lundensis et vir discretus. trugotus twesson. prouisor domus sancti spiritus. lundis. de nostro et dilecti capituli nostri lundensis consilio et consensu. permutacionem bonorum infrascriptorum fecerunt in hunc modum: Jta quod ipse dominus johannes dicte domui sancti spiritus. curiam in rabylitle sitam et sue cantorie annexam. cum agris pratis, pascuis domibus et ceteris ipsius curie pertinenciis jure perpetuo possidendam: *) Vnam curiam in rabymakle et vnam curiam in errethorp. in rønebyerhæret sitas. cum omnibus et singulis ipsarum curiarum pertinenciis. in recompensam debitam ab ipso trugoto dicte domus preuisore in possessionem ipsius cantorie perpetuam. consimili scotacione preuia reacceptans Jn cuius rei euidenciam. sigillum nostrum vna cum sigillis dilecti capituli nostri lundensis et domus sancti spiritus ibidem. presentibus est appensum Actum et datum. anno die et loco supradictis.