SDHK-nr: 16719

Rex dilecto sibi, Johanni Elyngeham, servienti suo ad arma, salutem.Scias quod assignavimus te ad decem naves et quatuor balingeras in portubus Londoniæ et Lenn ac super costeris maris in comitatu Norffolciæ existentes, pro transitu ac salva et secura conductione carissimæ filiæ nostræ Philippæ, reginæ Daciæ, Sweciæ et Norwegiæ, versus easdem partes, necnon ad tot magistros et marinarios, quot pro gubernatione earumdem navium et balingerarum sufficere poterunt, tam infra libertates quam extra, pro denariis nostris, in hac parte rationabiliter solvendis, arestandum et capiendum, et ideo tibi præcipimus, quod circa præmissa diligenter intendas, et ea facias et exequaris in forma prædicta; damus autem tam universis et singulis Vicecomitibus, majoribus, constabulariis, ballivis et ministris nostris, quam magistris, marinariis et possessoribus navium et balingerarum prædictarum ac aliis quorum interest, tenore præsentium, firmiter in mandatis, quod tibi, in executione præmissorum, intendentes sint et auxiliantes, prout decet.In cujus, etc.Teste rege apud Westmonasterium, vicesimo secundo die Junii.