SDHK-nr: 4533

Vniuersis presentes litteras inspecturis, Petrus, Dei gracia Lundensis Archiepiscopus Swecie primas, Holmgerus, prepositus, Petrus Cellerarius, et Petrus de Nym, Canonici Ecclesie eiusdem, Nec non Kanutus Folkæson, Gøzstavus Tunæson, Karolus Neskonongsson, Nicholaus Brock, Saxo Petri, Johannes Gwt, Stigo Petri, Siggo Magnusson, Puco Glysingh, Laurencius Karlsson et Anundus Finvithsson Milites, salutem in domino sempiternam, Tenore presencium puplice protestamur, quod anno domini M°. CCC°. XXXº. IX°. die beati Jeronimi confessoris, Magnifico principe, Domino nostro karissimo, Domino Magno Dei gracia Regnorum Swechie et Norvegie ac terre Skanie rege, apud Castrum Helsingborgh. placita sua justiciam exercente, communitate dicte terre Scanie, ad hoc, pro consequenda justicia, generaliter conuocata, Dominus Johannes Offæson illae [d.v.s.: illuc] personaliter veniens, pluribus ibidem querimoniis propositis contra eum, recognouit se in aliquibus contra prefatum dominum nostrum regem et suos subditos, ut veraciter intelleximus, deliquisse, super quibus humiliter petita venia postulabat misericorditer secum agi, ac tandem, post multos tractatus per introeuntes suos consanguineos et amicos,, hinc inde habitos, non vi vel metu coactus, nec eciam circum ventus, sed sponte, voluntarie et libere cum prefato Domino nostro rege, presentibus consanguineis suis et amicis predictis, in modum qui sequitur super prefatis suis excessibus placitauit, quam quidem placitacionem, nobis et pluribus aliis suis consanguineis et amicis presentibus, in presencia dicti Domini nostri sibi lectam et compositam in vulgari, approbauit, et sui fecit sigilli munimine roborari. Tenor autem dicte placitacionis dinoscitur esse talis, Vniuersis presentes litteras inspecturis Johannes Offæsson Miles salutem &c. Se nästföljande N:o 3448.