SDHK-nr: 3950

Omnibus presens scriptum cernentibus Tucho niclesson dictus pæling. de harebierghe salutem in domino sempiternam Nouerint vniuersi. me honorabili viro domino petro jønesson de nym. canonico lundensi exhibitori presencium bona mea in harthløse sita scilicet dimidiam curiam in qua residet tulo estreth. cum coloniis. que quidem bona. a domina benedicta de gessøighe amita mea habui. cum agris pratis pascuis. piscaturis siluis. ac omnibus aliis pertinenciis suis. mobilibus et inmobilibus pro quinquaginta marchis denariorum nouorum scanensium quas ab ipso domino petro integraliter habuisse et leuasse. tenorepresencium me recognosco. in placito generali scanie scotasse et ad manus libere assignasse cum omnimoda juris plenitudine quam in ipsis bonis habui. jure perpetuo possidenda. Obligans me et heredes meos ad apropriandum memorato domino petro dicta bona et heredibus suis pro impeticione presencium et futurorum quorumcunque Jn cuius rei testimonium. sigillum meum vna cum sigillis virorum venerabilium dominorum. holmgeri petherson. prepositi lundensis. magistri petri. officialis curie lundensis. Jon ka militis andree laugæsson auditoris placiti generalis scanie nicolai petherson de vanstathethorp esberni niclesson ciuis lundensis et achonis rathæ presentibus est appensum Datum anno domini M CCC XXXIII in profesto beati marci ewangeliste.