SDHK-nr: 11385

Nos Birgerus miseracione diuina ‧ archiepiscopus Vpsalensis / quorum interest aut in futuro interesse poterit / tenorepresencium constare volumus vniuersis ‧ quod nobilis domina ‧ domina Elena Israelsdotter felicis memorie ‧ quondam vxor viri nobilis ‧ domini Karoli Vlfson de Thøptom militis ‧ et legiferi considerans annuam pensionem prebende ‧ quam auus suus dominus Birgerus miles et legifer bone memorie ‧ in nostra Vpsalensi ecclesia olim fundauit / que quidem pensio ‧ xxtivj ‧ marchas denariorum monete Sueuice non excedit / ad sustentacionem prebendarii in choro seruientis pro illa ‧ minus sufficere / pro illius aug­mentacione ‧ xviij ‧ oras terre in villa Lukasta parochia Husaby Ærnaui ‧ pro anima sua ‧ ecclesie nostre predicte ‧ cum consensu et beneplacito ‧ dicti domini Karoli protunc mariti sui ‧ ac heredum suorum / legauit et contulit in extremis / vt videlicet illius intuitu ‧ sacerdoti, qui in eadem prebenda deseruierit ‧ ecclesia ipsa sex marchas denariorum ‧ annis singulis ministraret / Et quamuis ecclesia in possessione sit et fuerat pacifica dicte terre / augmenta­cionem tamen huiusmodi dominus Nicolaus Johannis ‧ eandem prebendam pronunc tenens ‧ se conqueritur minime consequtum / petens de premissis iusticie sibi fieri complementum / Nos igitur ordinacionem predictam tamquam piam et racionabilem acceptantes / eam aucto­ritate ordinaria decernimus in posterum obseruandam / constituentes tenorepresencium et mandantes ‧ quatenus yconomus, qui nunc est / et qui pro tempore fuerit / prefato domino Nicolao ‧ suisque^a Särskrivet suis que. successoribus ‧ dictas sex marchas denariorum ‧ de fructibus dicte terre ‧ in ‧ quatuor terminis anni ‧ videlicet ‧ Sigfridi ‧ Erici ‧ Laurencij ‧ et Martini ‧ exnunc in per­petuum soluere teneatur. Jn cuius euidenciam sigillum nostrum presentibus duximus ap­ponendum ‧ Datum et actum apud manerium nostrum Arnø ‧ anno Domini ‧ Mº cccº lxxºixº ‧ octaua sancti Stephani ‧