SDHK-nr: 5522

Vniuersis presentes litteras jnspecturis. Offradus leeksson. salutem jn domino sempiternam. Nouerint vniuersi tam posteri quam moderni me predilecte consorti mee Gunnildi thyrgilsa dottor. pro bonis suis patrimonialibus in wesmannia. scilicet sørby. decemseptem oris terre duabus vlnis minus et westrasørby vno solido terre. que fratri suo Nicholao thyrgilsson. pro trecentis marchis denariorum. consenciente ipsa Gunnilde. vendidi. bona mea pro eisdem trecentis marchis denariorum empta. westby sita. parochia hoffby cum molendino grønadalsquern. parochia salaby cum adiacenciis eorum quibuscumque. agris. pratis. siluis. pascuis. piscariis. infra sepes et extra. prope vel remote positis. nullo prorsus excepto. reddidisse ac in possessionem suam perpetuam. secundum omnem legum exigenciam assignasse. Tali condicione quod. si ipsam. me superstite. mori contigerit, liberis a nobis progenitis. si quos superstites ipsius deus annuerit. tanta predia de bonis meis patrimonialibus seu matrimonialibus, quod ab eis quindecim marchas denariorum. pro pensione in anno leuent, assignare tenear., bona predicta westby cum molendino. ad dies meos. pro vsibus meis retenturus. Preterea. si aliam in vxorem duxero et liberos ex ea generauero. bona sepedicta westby cum molendino. liberis ipsius Gunnildis. post mortem meam attinebunt. sed bona. que loco istorum. ad tempus illud habuerint. ad omnes liberos meos. inter eos. vt iustum est diuidenda reuertentur. Si vero sepedicta Gunnildis. absque herede a se descendente. decesserit. tunc heredibus eius. aut predia tanta de bonis meis patrimonialibus. quod ab eis quindecim marche denariorum in anno. pro pensione proueniant. aut trecentas marchas denariorum. ad ipsorum arbitrium assignabo. Jn cuius testimonium. sigilla. domini Anundi sturu. yuani de kyrna. Gunnonis Niclisson et Jngimari vlfsson. vna cum meo proprio presentibus sunt appensa. Scriptum anno domini M° CCC° XL° VII°. die apostolorum Symonis et jude.