SDHK-nr: 4549

Omnibus presens scriptum cernentibus. Johannes styrbiornæson, in domino salutem sempiternam, Vniuersis tam posteris quam modernis presentem paginam intuentibus puplice constare volo per presentes, me sub mensam. et ad nutrimentum pauperum infirmorum domo sancti spiritus Stocholmensi degencium. XIII oras terre cum vno solido in villa alby dicta. parochia haghæ. et XIII. oras terre. XII. denariis minus in villa østerby eadem parochia cum agris. pratis. superedificiis. pascuis. siluis. piscariis. molendinis. molendinorumque locis. cumque omnibus eiusdem terre attinenciis prope. vel remote. infra. vel extra sepes positis quomodolibet nominatis. nullis penitus exceptis in possessionem perpetuam. dedisse. tradidisse. pariterque assignasse, Hiis tamen condicionibus interpositis quod ego johannes omnibus diebus vite mee tocius supradicte largite terre perfectum et potens rector. et preuisor vocari. ac manere absque aliqua contradiccione debebo. post discessum. ac mortem vero meam honorabiles viri. Domini. Proconsules. et consules stocholmenses predictam terram ad vsus. et proficuitatem pauperum supradictorum vt vtilius poterint libere absque omni meorum heredum reclamacione. inpeticione. seu infestacione secundum eorum voluntatem in perpetuum disponent. atque ordinabunt, Jn premissorum euidenciam pleniorem meum sigillum. vna cum sigillo ciuitatis stocholmensis in firmius testimonium quod peto presentibus sunt appensa. Datum anno domini M°. CCC°. XXXº.IX° in vigilia natiuitatis domini nostri ihesu christi.