SDHK-nr: 5653

Omnibus, quibus presentes innotuerint, presentibus et futuris, Olauus in Gorsunge, Olauus Magnusson, Rangwaldus in Hagnæsta, Magnus in Wikulby, Frøbernus in Walby, Joon in Hellebergh, Rangwaldus in Ernæstum et Ingewaldus in Kollastum salutem in Domino sempiternam. Tenore presencium pateat omnibus euidenter, quod recognoscimus nos presentes fuisse super concambio terre juxta opidum dictum Vpsala site facto inter reuerendum virum dominum priorem in Eskilstunum et fratres eius ibidem ex vna parte et Holmum in Balsta et Johannem Album, et Rangwaldum in Hugnæsta ex alia parte, quod fiebat in hunc modum .... dominus prior et fratres eius prescripti dimiserunt Holmo in Balstum, Johanni Albo et Rangwaldo in Hugnasta decem solidos terre cum dimidio in parte orientali riuuli ibidem pratum diuidentis, Holmus vero et socii eius prenominati dimiserunt domino priori et fratribus eius memoratis decem solidos terre cum dimidio in parte occidentali riuuli prenotati et secundum leges patrie in sex locis lapides quinque in quolibet loco wlgariter dictos staua racionabiliter terre infiximus in stabilitatem et memoriam predicti concambii pleniorem. In huius igitur recognicionis euidenciam firmiorem sigilla nostra duximus presentibus appendenda. Scriptum Eskilstuna anno Domini m°ccc°xl° octauo in die beati Botwidi martyris.