SDHK-nr: 4215

Omnibus presentes litteras jnspecturis. Hæmingus et johannes filii rangwaldi sibbæson. salutem in domino sempiternam. Notum facimus per presentes quod cum nobili et discreto Notholm ægardsson permutacionem et concambium prediorum agimus in hunc modum. jta quod nos recipimus ab eo. XIIII:or solidos in borghby in ølandia. dimittentes eidem et suis heredibus quatuordecim solidos in hamarby enhurne et dunsta pro possessione perpetua retinenda, et si pro ipso vel suis heredibus predia predicta per quempiam in posterum impediri contingat obligamus nos ad soluendum et satisfaciendum sibi vel suis heredibus in Centum triginta marchis denariorum monete nunc currentis, pro quibus eis exponimus decem oras terre in hægharsta kilum. ad percipiendum et leuandum fructus et redditus quoscumque inde prouenientes pro dampnis interesse. quousque memorata summa pecunie fuerit per-, soluta. Jn cuius testimonium sigilla nostra presentibus sunt appensa. Jn euidenciam autem maiorem sigillis. discretorum. øndonis hadha et laurencii. krydenær ciuium nycopie et dilectorum fratrum nostrorum jacobi videlicet et laurencij presentes petimus roborari Datum anno domini. M°. CCC°. trecesimo. sexto. vigilia purificacionis virginis gloriose.