SDHK-nr: 5671

Omnibus presens scriptum cernentibus Petrus, Dei gracia Lundensis archiepiscopus, Swecie primas, salutem in Domino sempiternam. Notum facimus vniuersis, quod sub anno Domini millesimo ccc° quadragesimo octauo feria quarta proxima ante diem beati Mikaelis, constitutus personaliter coram nobis in ecclesia nostra Lundensi, nobilis miles dominus Stigotus Pæterson domino Benechino, canonico Lundensi, ad fabricam ipsius ecclesie Lundensis vnam curiam suam in Wirkøyæstorp, duas oras annone soluentem annuatim, cum agris, pratis, pascuis, domibus, estimacionibus et ceteris aliis ipsius curie pertinenciis in sinum tradidit et scotauit jure perpetuo possidendam, tali condicione interposita, quod ipse dominus Benechinus vel qui pro tempore fabricam ipsius ecclesie tenuerit, missas solum vna die proxima post diem sepulture ipsius domini Stigoti Pæterson in omnibus altaribus dicte Lundensis ecclesie pro anima eiusdem domini Stigoti faciet celebrari. In cuius rei testimonium sigillum nostrum vna cum sigillis memorati domini Stigoti et domini Nicholai Kyrning militis presentibus est appensum. Actum et datum anno, die et loco supradictis.