SDHK-nr: 2980

Omnibus presens scriptum cernentibus Boetius Dei gracia Episcopus Wexionensis. Salutem in domino sempiternam. Notum per presentes facimus vniuersis nos cum nobili milite, Domino Haquino dicto Läna [d.v.s.: Læma] mutuam prediorum commutacionem fecisse, sub hac forma. Jta videlicet quod idem dictus Haquinus partem prediorum in Åby, cum domibus, agris, pratis, pascuis sylvis, piscaturis omnibus que suis attinenciis prope villam vel alonge positis nos intuitu persone nostre tangentem pro predijs suis eundem Dominum H. intuitu persone sue in torente Haslo, getno Vpwärman ostholm alijs et insuper in omnibus in partibus quam [d.v.s.: partibusque?] ubicunque sitis quocunque iure contingentibus penitus et irrevocobiliter sorciatur. Jn cuius commutacionis Evidenciam, Sigilla Nobilium virorum, Töriri Kætilsons Tukonis Joonssons Mathie prepositi Wexionensis qui eciam huiusmodi commutaciones [d.v.s.: - cionis] inter nos facte testes sunt, una cum sigillo nostro presentibus sunt appensa. Datum Anno Domini millesimo CCC.XX. feria secunda proxima post Dominicam oculi.