SDHK-nr: 3362

Omnibus presentes litteras inspecturis Hennichinus ciuis in ørabro. salutem in domino sempiternam. Quoniam ea, que geruntur in tempore. a memoria hominum faciliter elabuntur. nisi testimonio litterarum perhennantur. Jdeo nouerint vniuersi, tam posteri quam moderni, quod do et lego claustro risbergh. Tredecim solidos terre in ormstathorp. duabus vlnis minus, cum omnibus suis pertinenciis longe lateque sitis, et possessioni predicti claustri statim in presenti assigno. racione mei testamenti. Jsta condicione tamen supposita. quod fructus. et redditus de predicto opido prouenientes, ad usum filiarum mearum. videlicet gerthrudis, et mattildis quamdiu vixerint, deuoluantur, Eis vero ab hoc seculo discedentibus memoratum opidum, conuentui risbergh. absque omni resolucione heredum meorum. seu inpeticione, sucessorum (!) aliquali cedere irreuocabiliter teneatur, Transferens in predictum claustrum plenum proprietatis ius, et possessionis dominium, ablata mihi meisque heredibus omni penitus facultate, vllo vmquam adinuencionis ingenio reuocandum [d.v.s.: - di] Jn cuius donacionis testimonium. racionemque firmiorem, sigillum venerabilis patris domini Styrberni dei gracia Episcopi strengnensis. et sigillum illustris militis domini haquini joonsson. vna cum proprio sigillo apponi peto presentibus et appendi, Datum atalstum anno domini M° CCC°. XXVº. feria sexta ante martini proxima.