SDHK-nr: 11351

Uniuersis ‧ presentes litteras visuris seu audituris Nicolaus diuina miseracione archi­episcopus Lundensis Suecie primas ‧ salutem in Domino cunctis felicitatibus opulentam ‧ Ad omnium noticiam ‧ presencium et futurorum lucide deducimus per presentes ‧ quod nos ‧ preuia deliberacione continua ‧ et maturo communicato consilio ‧ bona nostra in Gørthalykke sita ‧ que quondam de domino Petro Nicolai milite de^a Härefter bokstäverna ani med överliggande förkortningsstreck överstrukna. Hamundahøgh justo empcionis titulo habuimus ‧ ad ecclesiam sancti Laurencij Lundis et ad eius fabricam ‧ damus et assignamus libere in perpetuum possidenda ‧ pro festo gloriosorum martirum Georgij et Laurencij ‧ sollempniter in eadem ecclesia singulis annis apud inferius altare sancti Laurencij die beati Georgij tenendo et celebrando ‧ cum missa cantanda de sancto Georgio et memoria de sancto Laurencio et vna collecta post mortem nostram in remedium anime nostre ‧ hac addita con­dicione ‧ quod tutores dicte fabrice Lundensis ecclesie, qui pro tempore fuerint, eadem bona sub sua ordinacione libere teneant ‧ et dabunt canonicis ipso die beati Georgii ‧ sex solidos grossorum pro festo diuidendos secundum ordinacionem capituli inter canonicos presentes in festo ‧ vicarios et scolares^b Möjligen saknas härefter orden et pauperes. Jfr liknande avsnitt längre ned i brevet. ac pulsantes in turri. Quidquam vltra hoc ab ipsis bonis diriuatur ‧ cedat fabrice predicte ‧ Preterea ‧ omnes litteras apertas ‧ dicta bona Gyørthalykke concernen­tes ‧ ad nos cum dictis bonis qualitercumque deuolutas ‧ vna cum omnibus juribus et condi­cionibus in eisdem contentis ‧ predicte nostre Lundensi ecclesie et eius fabrice mero jure resignamus. Jnsuper ‧ bona nostra omnia et singula ‧ in Luddekøpinge sita, que quondam a quodam domino Petro Nicolai dicto Kyrningh ‧ milite ‧ ac quodam Petro Spaldener armigero ‧ necnon et de monasterio monialium Lundis juste et legittime acquisiuimus titulo empcionis ‧ damus ‧ tradimus et scotamus ad mensam archiepiscopalem Lundensem in perpetuum cum omnibus suis juribus et pertinenciis ‧ tali condicione media et adiecta ‧ quod dominus archi­episcopus Lundensis, qui pro tempore fuerit ‧ dabit canonicis Lundensibus singulis annis pro anniuersario nostro in eadem ecclesia sollempniter tenendo ‧ vnum pund sterlingorum ‧ diuidendum secundum ordinacionem capituli inter canonicos in eodem anniuersario presen­tes ‧ vicarios ‧ scolares et pauperes ac pulsantes in turri ‧ ac pro missis in ecclesia celebrandis in remedium anime nostre et omnium fidelium defunctorum, ad cuius summe pecuniam ‧ volumus successores nostros ‧ racione dictorum bonorum in perpetuum obligari ‧ et in hoc eorum consciencias onerare ‧ Litteras vero apertas ‧ nobis per ipsos dominum Petrum Kyrningh ‧ Petrum Spaldener et moniales Lundenses datas super eisdem bonis cum condicionibus omnibus in ipsis contentis ‧ successoribus nostris et reuerendo capitulo nostro Lund­ensi resignamus ‧ in sacristia canonicorum diligenter reseruandas ‧ Datum et actum in castro nostro Hammarensi¹För Hammershus på Bornholm, som under medeltiden innehades av ärkebiskopen i Lund, se C. G. Styffe, Skandinavien under unionstiden (1911), s. 92. nostro sub sigillo, anno Dominj Mccclxxoctauo ‧ profesto beate Katerine virginis presentibus honorabilibus viris ‧ dominis Mathia Syuichinj²Om namnet Sibike, lat. Siuichinus, se Danmarks gamle personnavne I, sp. 1216. cantore ‧ Petro Symonis et Matheo Andree canonicis Lundensibus ac Johanne Wf ‧ aduocato castri Hammarensis nepote nostro ‧ quorum sigilla in testimonium premissorum vna cum nostro volumus et mandamus anteponi.

Rubrik: Donacio bonorum in Gøørlykæ pro festo beati Georgij et bonorum in Luddækøpinge pro anniuersario dominj Nicolai archiepiscopi