SDHK-nr: 3255

Omnibus presens scriptum cernentibus, Kanutus porse miles, salutera in domino sempiternam, Nouerint vniuersi posteri vt presententes(!), me kanutum porse, exhibitoribus presencium venerabilibus in christo patribus, ac dominis, Dominis olauo dei gracia archiepiscopo vpsalensi et karulo eiusdem gracia episcopo lincopensi, super hoc plenam potestatem, ex parte mei tenore presencium lucide contulisse, quod ipsi clericis omnibus et singulis, qui bona sua, in kogga illa amiserunt, que per me et meos familiares, in portu malstrandis priori anno prelapso, fuit probdolor (!) jnpedita, de argento illo, quod homines regni swecie, domine mee, domine Jngeburgi ducisse swecie consorti condam domini ducis erici bone memorie et mihi ex parte sui, soluere promiserant, die sancti mikaelis venturo nunc proximo, satisfacere debeant penitus et quittare, Jn cuius rei Testimonium sigillum meum presentibus duxi litteris apponendum, Datum apud wordhberg Anno domini M°. CCC°. vicesimo quarto, in octaua epiphanie domini.