SDHK-nr: 2644

Omnibus presens Scriptum cernentibus Sigwidus bendictson(1), Thorirus dictus pottæ(2), Johannes dictus dyacn(3), arnbernus et benedictus de brennurydh, et eschillus de curfryth(4), Salutem in domino. Quia dominus iohannes dekyrnnæ(5) nos deputauit ad inspiciendum quandam siluam in Segllorom, de qua inter magistrum benedictum prepositum Scarensem ex vna parte et redharum ac arnbernum de gredduruth(6) ex altera controuersia ventilatur. Notum facimus, nos presentibus discretis viris Heluone de gereldærthorp, marco villico de ørby et esberno dicto hweth dictam siluam pertransiisse(7), et limites de quibus dubitabatur diligenter perspexisse ac per assercionem senum hominum fidedignorum non vni parti plus quam alij coniunctorum pro certo intellexisse, quod dicta(8) silua ad ipsum prepositum de iure pertinet et non ad redharum ac arnbernum supradictos, et hoc in conscienciis nostris secure testiticamur per presentes. parati, si necesse sit, hoc proprio affirmare iuramento. Jn cuius testimonium nos sigilla nostra(9), qui sigilla habuimus, presentibus duximus apponenda. Datum kynnum(10), Anno domini M°. CCC°. XIIIIº (.) quinta feria ante octauam(11) beati andree.