SDHK-nr: 2577

Vniuersis presentes litteras inspecturis bo dictus starke Canonicus wexionensis et Gyurdo Ragnilson Salutem in omnium saluatore. Protestamur presentibus, Nos vna cum aliis pluribus fide dignis interfuisse, quando nobilis vir Arnbernus staffans son apertas habens litteras nobilis matrone Eztridis relicte magni quondam dicti laanga, quod eius possessiones omnes in jarnwixthorp, quas prius eius propinquus venales legaliter exhibuerat, libere posset vendere et pro eis precium leuare tamquam verus et legittimus procurator eas domino Johanni abbati Noueuallis uendidit et assignauit, modo, qui in legibus østgothorum dicitur skaftfærdh et omni plenitudine legali earundem expressa, pro LXX:ta marchis vsualis monete, quas per nobiles viros Nicholaum gyurdhason et Magnum gyurdha ad hoc specialiter missos transmisit statim eidem Eztridi. Jn quorum testimonium siggilla nostra presentibus duximus apponenda. Actum et datum Anno domini M°. CCC°. XIII°. sabbato proximo ante festum beate Margarete.