SDHK-nr: 10387

. B . archiepiscopus NeapolitanusSalutacione in Domino nostro Iesu Christo premissa . Vobis domine mee notifico per presentes quod verba domini nostri [I]es[u] [Ch]risti vobis reuelata in ciuitate Neapolitana execucioni demandantur / ob quod que ante contempnebantur nunc v[eneran]tur / et hoc proprium stultorum vt qui insipientes sunt in delinquendo . sapientes efficiantur in pena . Et si non male arbitror sicut liberati de seruitute Egipti . omnes exceptis Caleph et Josue in deserto perierunt (1 ) / sic timeo quod hic pauci execucionem (a-) Dei euitabunt(-a) / qui credunt fugiendo ciuita[t]em Neapolitanam vbi Deus in[c]ipit facere execucionem suam . et ad loca circumuicina con-currendo s[in]e al[i]a(b) [man] dacione Dei iudicia frustrare quod est impossi[bi]le / Et ego pastor hoc dolens refero / qui oues perdo de quibus oportet me reddere racionem qua[m] (c ) ignoro . Licet punicio sit permaxima / parua tamen sequitur correctio / Corporis mors timetur . et eius vita proro[gatur /] De anima que preciosior corpore . secundum quod apparet modicum curatur / cum vita non emendatur / penitencia non agit[ur] / s[atisfac]tio negligitur / nec aliena restitu[u]ntur(d) / quilibet credit a morte se pronunc fore reseruatum / Et sic in nobis fide[s] verbalis est et mortua cum operibus careamus(2) / Ab alia parte regnum incipit diuidi . quare breuis erit consumacio / si Deus nos puniat iuste / et inter nos sine caritate vnus contra alium irruamus / Quare pro Deo [,] domina mea [,] instantissime supplico / quia officium michi commissum me vrget vt domino Jesu Christo . qui pro suis crucifixoribus exorauit et cuius misericordia copiosa est / vt ipse auertat mala premissa / non mala secundum Deum / sed iustissima / sed mala quantum ad nos qui medicinam Dei et eius curam negligimus / et eius vili-pendimus correctionem . O vtinam placeret pro me toto vestro . infructuoso prelato dominum nostrum lesum Christum consulere . an michi expediret dignitati cedere / et quam vitam sibi placens possem exercere / Vnus de clericis meis Johannellus quem indicabam peccatis mortuum repente in virum alterum est mutatus / et monachus Sancti Victoris in Marsilia egressus / et ego senex remaneo in seculo peccata accumulando . Altissimus dominus noster Jesus Christus in sua sancta gracia vos conseruet . Scriptum Neapolim . die . xviij(a) . julij . xi jndictione. Domine . P . vos requiro ex parte domini nostri Iesu Christi (3-) ut sitis infestus domine mee (-3 ) vt michi peregrino det consilia salubria de hiis que agere debeo . et quod faciatis michi scribi aliquas(e) reuelaciones factas domine et mandare quantum mittam pro scribendo . Scriptum vt supra.