SDHK-nr: 3353

Omnibus ad quos presens scriptum peruenerit. Anundus dictus stwræ. Salutem jn domino sempiternam. Cum propter caducam condicionis humane memoriam necessarium sit vt ea que prouide gesta sunt ab hominibus. scripturarum serie posteriorum noticiis jmprimantur Noscant tam presentes quam futuri quod Anno domini M CCC XXVº Crastino Natiuitatis beate marie virginis. Høgnæthorp. jn presencia serenissime domine. domine Jngeborgis dei gracia ducisse Sueuorum illustris domini N [d.v.s.: Erici] quondam ducis relicte predicta predia mea in bredavvik. torisby. knettekeer. et høxstorp. que ipsa domina. ob meum seruicium mihi contulit et scotauit. Venerabili patri domino Petro diuina miseracione. episcopo Scarensi Cum agris pratis siluis pascuis. ac pertinenciis ceteris. jntra sepes et extra. alonge uel deprope positis vendidi alienam et secundum legalem patrie scotatorem. jrreuocabiliter assignaui. jure perpetuo possidenda., transferens exnunc et jn presenti. jn dictum dominum scarensem et singulos suos successores. omne jus proprietatis ppossessionis (!) ac dominij. quod mihi aut heredibus meis competierat uel competere videbatur jn prediis memoratis. committensque ei et singulis suis successoribus predictis. de ipsis prediis commutandi. vendendi alienandi. et modo quo voluerint ordinandi plenam et liberam potestatem. Jn quorum testimonium. et euidenciam pleniorem. ad instanciam meam sigilla memorate domine mee. domine ducisse. ac honorabilium virorum. Domini gislonis. hielinæson. et magni bendicxson. vnacum meo proprio presentibus sunt appensa, vt huius facti memoria, lapsu temporum a memoria non labatur Scriptum Anno die et loco supradictis.