SDHK-nr: 4699

Magnus dei gracia rex swecie Norwegie et scanie Omnibus presens scriptum cernentibus. salutem in domino sempiternam. recognoscimus per presentes Nos dilecto et fideli nostro domino gisloni ælinæson et suis heredibus in sexcentis sexaginta quatuor marchis et sedecim solidis puri argenti ponderis Coloniensis teneri et veraciter obligari. pro cuius argenti solucione omnes et singulas exacciones nostras in tyarpæhundære necnon curiam nostram ibidem dictam hosaby cum molendinis piscariis aliisque adiacenciis suis omnibus necnon exacciones nostras omnes in valæhundære ac omnia bona nostra in insula dicta singæ cum eorum pertinenciis quibuscunque Excepta tamen causa nostra ensak in premissis omnibus emergente titulo pigneris obligamus Tali condicione prehabita quod postquam debita nostra priora eidem domino gisloni pro quibus premisse exacciones et bona inpignerata iam existunt integre fuerint persoluta. extunc de nouo pro supradicti argenti summa stare debent sibi suisque heredibus et de summa ipsa octoginta marche puri argenti ponderis Coloniensis annis singulis defalcari, nec ab ipso vel suis heredibus ante totalem euacuacionem summe principalis supradicte. exacciones vel bona reuocabimus supradicta Quocirca volumus firmiter et mandamus vt domino gisloni suisque heredibus vel substitutis eorundem de premissis omnibus et singulis obediencia satisfaccio et reuerencia omnimoda inpedatur(!) Ceterum licet vobis de valæhundære super exhibicionibus vestris et iuribus regalibus quedam remissio quam tempore clare memorie domini regis Magni predecessoris nostri habuistis. per nos vt dicitur sit indulta volumus tamen firmiter et mandamus vt eadem non obstante, prefato domino gisloni suisque heredibus de omnibus et singulis exhibicionibus et iuribus nostris regalibus quam diu exacciones nostras penes vos habuerit. integre et absque omni diminucione sicud (!) actenus feceratis satisfacere curetis prout indignacionem nostram et vlcionem condignam volueritis euitare, Datum stokholmis Anno domini M° CCC° XL°primo feria tercia infra octauas ascensionis eiusdem sub sigillo nostro et consortis nostre blanche necnon venerabilium patrum. dominorum. fratris petri Archiepiscopi vpsalensis siggonis scarensis. styrberni strengenensis ac kanuti ionson. Nicholai abiornsson. laurencii vlfsson gøtstaui tunæson kanuti folkæson. karoli neskunungsson. petri ionsson. karoli tukæson. vlphonis abiornsson. vlphonis gudmarsson consiliariorum nostrorum dilectorum. ac johannis cristinæson terre scanie aduocati.