SDHK-nr: 5337

Magnus dei gracia rex suecie Noruegie et scanie. Omnibus presens scriptum cernentibus salutem in domino sempiternam., Tenorepresencium nouerint vniuersi quod Anno. domini Millesimo CCC XL°sexto die sancti dominici confessoris nos in insula. dicta. fodhø. personaliter constituti. presentibus et vocatis venerabilibus in christo patribus. domino Egislo. arusiensis et Thoma vexionensis. miseracione diuina ecclesiarum, prelatis. et dominis Nicholao abyornsson. Gyslone ælinuson. Laurencio vlfsson. karolo neskonungsson. Anundo stura. Magno gislæson. militibus. ac pluribus aliis fidedignis super descidendis litigio et controuersia. que jnter religiosas dominas abbatissam, et conuentum monasterii. montis beate virginis parte ex vna et dominum siggonem magnusson. parte ex altera. super villa dicta nordhamar vertebatur., nos cum eisdem episcopis et militibus nostris et ipsi nobiscum visis et consideratis omnibus diligenter. premissum litigium in hunc modum sentencialiter decreuimus terminandum, videlicet quod bona predicta vtpote tota nordhamar ad plagam orientalem. ab ipsa villa ekeby. prefatis, monasterio montis beate virginis et conuentui ibidem, necnon et rusticis perpetuis temporibus debeat attinere., nullis penitus exceptis quocunque nomine censeantur jn eadem contracta. coniunctim vel diuisim situatis nisi dimidia parte. østræwidhe, et østens mark. octaua parte in granamark et octaua parte in kaluundæhæsle domino siggoni magnusson predicto attinentibus., ad quas quidem. particulas. nominatas. nullos esse censuimus aditus vel. meatus. Censuimus eciam quod circa villam eandem ekeby. jn signum diuisionis jam facte. limites poni. et locari. debeant vna sepes, quam quidem sepem illesam stare precipimus per nullum hominem cuiuscunque condicionis. status aut eminencie existat destruendam seu quomodolibet amouendam, sicuti penam amissionis quadraginta marcharum, quociens huic mandato nostro contraierit voluerit euitare., volumus insuper quod pecora infra sepem predictam aliunde veniencia, licite valeant inigi. et seruari., necnon et per suos possessores redimi. sicut dictat legum sanccio et requirit, quicunque vero pecora huiusmodi. reseruata forti manu et violenta receperit, seu vi restiterit, quod inigi non. debeant vel. seruari. quadraginta marchas denariorum pene. nomine. jneuitabiliter emendabit, adiudicamus. eciam. conuentui memorato. quod villam dictam Hæsleby. longis jam retroactis temporibus ex quo dominus philippus jngiualdzson quandam in ea possedit particulam, derelictam et funditus desolatam., licite possint et debeant restaurare. cum dictus conuentus jn villa predicta. et aliis villis similiter. maiorem partem optinuerat, empcionis et permutacionis justo titulo prediorum. nullius. contradiccione valitura. sub pena superius allegata. Jn cuius nostre discussionis et diffinitiue sentencie robur et euidenciam. sigillo nostro. ad causas. presentes litteras duximus muniendas. Datum bywrsundh. Anno et die supradictis.