SDHK-nr: 3113

Omnibus presentes litteras jnspecturis Styrbernus Curatus in gøthælundum salutem in domino sempiternam Ne gestorum sinceritas et rerum veritas emergentis Calumpnie neuo seu falsitatis caligine aliquatenus valeat obfuscari litterarum solet ac fide testium premuniri Nouerint igitur tam posteri quam presentes presencium jnspectores. Me feliciter cupientem dum vaco in corpore iuxta preceptum dominicum pro terrenis rebus et transitoriis eternas et incommutabiles diuicias comparare. Deuotis et in christo religiosis dominis ac fratribus in Juluttum ordinis Cisterciensis. apud quos locum elegeram sepulture racione confraternitatis quam adeptus sum cum eisdem testamentaliter in salutem anime mee confero curiam meam vggluchil cum omnibus et singulis eisdem bonis adiacentibus videlicet agris, pratis. siluis. nemoribus. prope et remocius intus et extra sepes. ac gurgitem prope mædhalby jrreuocabiliter ab heredibus meis perpetuis temporibus possidendam. Jn huius ergo donacionis testimonium et munimen presentem litteram Siggillis venerabilium dominorum scilicet domini Styrberni dei gracia episcopi strengnensis, domini Mathei kiætilmundæsson. domini Thordonis dicti bondæ. domini Nicolai byornsson. domini Mangni (!) nicolæsson Domini Anundi abbatis de juluttum, et meo. duxi attencius roborandam. Datum et actum Anno domini, M°. C°C°C°. XXI°. Jn die sancti Calixti pape. presentibus nobilibus personis scilicet domino Thordone bondæ domino rangualdo de medæløsæ et aliis fidedignis vna cum domino abbate Anundo et Monachis Monasterii pretaxati.