SDHK No: 5798

Date of issue

1349 juni 23

Place of issue

Lund

Jordan präst, kyrkoherde i Västra Vram, överlämnar till sin broder Beneke, kanik i Lund, de gods i Götherslöv, Benstorp och Akatorp (Åkarp) i Gärds härad, som de ärvt tillsammans samt fritager honom från redovisningsskyldighet för den förflutna tiden.

Language

latin

Sources

Original: or. perg., RA 0101 images
Post-medieval copy: E 102a, fol. 52v, nr 115, RA 0401; B 29, fol. 17, nr 120, RA 0202

Document text

Omnibus presens scriptum cernentibus Jordanus presbyter, rector ecclesie Wæstrawraam, salutem in Domino sempiternam. Nouerint vniuersi me exhibitori presencium, domino Benechino, canonico Lundensi, dilecto fratri meo, omnia bona in Gøthersløf, Benstorp et Akæthorp in Gærsheret, que michi vna cum eodem fratre meo post mortem quondam domini Johannis Kannæ, canonici Lundensis, bone memorie, fratris mei, jure hereditario competebant, libere dimisisse, cum effectu assignasse et realiter ad manus suas tradidisse jure perpetuo possidenda, dimittens ipsum quittum et liberum ab omni computu et raciocinio pretextu fructuum et reddituum de dictis bonis vsque in hodiernum diem per ipsum leuatorum seu aliarum rerum mobilium, quibuscumque nominibus censeantur, occasione hereditatis antedicte. Obligo me insuper bona fide dicta bona coram domino archiepiscopo Lundensi scotare, cum primitus per eundem fratrem meum fuero requisitus. In cuius dimissionis, assignacionis, tradicionis et quittacionis testimonium sigillum meum et sigilla discretorum virorum, dominorum magistri Magni Thordonis, canonici Lundensis, et Petri Ywari, Ripensis et Arusiensis ecclesiarum canonici, presentibus sunt appensa. Datum Lundis anno Domini millesimo ccc°xl°nono vigilia beati Johannis baptiste.

Other text

På baksidan: resignacio bonorum in Gødersløff, Bensthorp et Akæthorp facta domino Benechino canonico. Med annan hand: littera domini Jordanis fratris mei.

Seals

Sigillen: af n. 2 ett fragment, de öfriga borta.

Printed

se pdf av tryck

Printed summary

Rep. Dan. nr 2203

Amended

2015-06-05